[VivaSyria]

رفعلنا المستوى بحياة أبوك وإمك رفعو شوي...

كاتب النص الأصلي : توم و جيري

الديكتاتوري الدموي هوي اللي عم يعلمك هالحكي عالقليلة احترم حالك الزلمي مات واسا لا حقينو عقبرو الحق عليه كان لازم يتركك انت وامثالك تخربو هالبلد .......

اشرحلي شلون عم يعلمو الحكي؟؟ ليكون الله ومو عرفانين.. بعدين كيف بتقلو احترم حالك... شو بيعرفك انو مو محترم حالو أكتر منك... بعدين خليني فهمك شغلة نقاش فترة تاريخية معينة مابيعني انو لاحقينو على قبرو... بالنتيجة الشباب مو لاحقيين بياع فول... لاحقين شخص حكم بلدون 30 سنة وحقون يلحقوه ويقيمو تصرفاتو وافعالو وشوقدم للبلد وشو أخد منها....

بدك تتمسخر تمسخر عحالك وعملعمينك انا ملا قى حرية بهالبلد اكتر منك لان روحي نضيفة غالقليلة بفيق كل يوم الصبح بدعي الله يسرلي مو من تفتيح عيوني بسب وبرد متل الببغاء ورا معلميني انا شب طالب اقتصاد موراي حدا وابي وامي موظفين وعايشين مستورين بتحداك انو اذا قالو مشوا عالمقاومة بالجولان يابتتخبى يا بتهرب لبرا متل معلمينك ...

مين معلمينو بلا صغرة؟؟ مشان نعرف مين معلمينك انت مو مشان شي.... بتعرف شو قمة الذل يلي وصلونا لإلو؟؟ انك صرت اذا عايش مستور بتعتبر هالشي انجاز ولازم تشكر الله عليه...

ومشان قصة الجولان بتمنى واحد بفكرك يخليها على جنب... باعتبار ابطال التحرير تبعوتك هنن يلي ساكتين عنها من 40 سنة.. بتعرف ليش لأنو عم يعدو العدة... بس العدة ما كانت تنعد بتعرف ليش؟؟ مابعرف أنا بس أكيد في خطة... لأنو بتعرف جماعتك شو ماعملو بيكون صح ولازم تصقفلون وتفديون بالروح وبالدم...

بدي اسألك سؤال.. الجولان يلي عم تحكي عنها.. هلأ معتبر طبعاً انو المفواضات يلي عم تصير مع اسرائيل بطولة وانجاز من النظام... واذا بكرا ساوا النظام حرب كمان بتكون بطولة.... واذا بعد بكرا قال ما بدنا نعمل شي بدنا نسكت شي 40 سنة تانيات كمان رح تعتبرو بطولة... بس شي مرة فكرت انت شو بدك؟؟ أو شو الصح يلي لازم يصير؟؟ طبعاً لاء لانو بتخاف انو خيارك الصخ يطلع غير خيار قيادة الممانعه والصمود... وبهالحالة بدك تكون انت غلط لانو حتى بينك وبين حالك مابتسترجي تعترف انو هنن غلط..

هالرئيس اللي عم تحكي عنو ميزيد الرواتب ميجيب اقتصاد هالبلد بعدين شفتو بعينك عم يقلو لمخلوف يلا سروق

لتكون الرواتب عم تزيد من ايراد كرم الزيتون تبع جدو وماني عرفان؟؟
عرفت شو المشكلة أخي؟؟ انو نحنا حتى حقوقنا صرنا نعتبرها عطاء منون... وصلوك لمرحلة يلي ماعدت ميزت بين حقك وبين كرم الأخلاق منون... صار أي شي بيعملوه لازم تنبسط لأنو مو معودين عليون يعملو شي غير سرقتنا وظلمنا...

منجي على قصة رامي مخلوف... مين عطاه النفط لرامي؟؟ مين عطاه رخص الخليوي بالتراضي؟؟ مين طلعلو مرسوم انشاء السوق الحرة ولغا مرسوم حصرية الاسواق الحرة بإيد الدولة؟؟ مين أجرو أراضي الأسواق الحرة بتسعين ألف ليرة بالسنة؟؟؟ مين عاطيه كل حقول النفط بسوريا؟؟؟ ومين ومين ومني... ووقت يكون صاحبك عن جد مو دريان بهالحكي ونايم بالعسل يروح يخلي حدا بيقدر ينهي هالمسخرة يجي محلو...

هيدا ياحبيب معندو بيت من وراك ومن ورا امثالك بس اللي استحو ماتو..

اي بالفعل.. الكلمة الصح الوحيدة يلي قلتا.... يلي استحو ماتو..

على فكرة انا متا كد انو طول عمرك بترسب بالقومية لانو مستحيل تفهمها ولا بتعرف معناها يا.........احمد

شايف كيف.. حتى الفكر القومي فهمانو انت بيتلخص بحافظ الاسد وببشار.. ويلي بينتقد شي تصرف من تصرفاتون بيكون عم ينتقد القومية والعروبة والوطنية... وبيكون خاين وعميل ورجع وامبريالي...
سيدي اذا هو رسب بالقومية "تبعك" الله يباركلو... أحسن ماينجح بعلامات الشبيبة والانتاجي والمظليين يلي حفظوك فيها هل كم كلمة ونسيت انو عندك عقل لازم تفكر فيه...