هاد يا سيدي انو انا انحرمت من هالشغلة للاسف لانو الابتدائي والاعدادي نكبست بالسعودية وهنيك بتعرفو ازا الواحد بيطس بنت واللي بيطس كيس زبالة اسود ما بيفرق بينهن
بس بتذكر بالصف الاول هاد درستو بسوريا كان عنا تسميع لجدول الضرب
بقا يا سيدي نطت الانسة شرف يا احمد ... حافظو لجدول الضرب .. هون انا عرضت كتافي وبلغة شامية بحت .... اي معلمتي متل كرج المي حافظو
سالتني 2×2 اديش ولا فصعون ..... 4 انسة طيب 6× 8 اديش ... قلتلها والله حافظ الجدول كلو الا هاد نسيتو
طبعا مو زابطة الكشة .... المهم 7 ب 7 اديش طرشتلها 55 وبكل ثقة قالتلي شرف عجنب وكانت بالعادة الي عجنب بيتلزق ورقة عصدريتهن قطار الكسلانين هيك بتزكر وبيدورو عالصفوف صف صف وخود على مسخر
كنت رح اتهزأ
لولا ما نطت فارسة احلامي المدعوة لانا وبلشت بكي وحرام يا انسة ومدري شو ئام المسكينة نشحطت بدالي
يحرئ حريشها شو طنبر هية التانية
المهم بلا طول سيرة .... ما قدرت زبطها عالاخير لانو بعد اسبوع سافرنا عالسعودية ووقت رجعنا عالشام
دريت انها صارت طب اسنان هلئ ........... وانا مكاني راوح ...... بكالوريا سنة تالتة
وبشوفها دايما بحكم انها جارتنا .... بس الله وكيلكن مالي عين حكيها
هاد اللي اسمو حب من طرف واحد
ولهلئ اهلي ازا بدهن يستلموني تقفيل ........ بتلاقي اسم لانا علسانهن
هية طب مع كسر ال .. ط... بينما انت طب مع فتح ال ... ط ...
حاجة مآسي لليوم