كان يا ماكان ... بيوم من هالايام .. واحد تعرف ع وحدة ... ومن بروتوكول التعرف انو يقوم بالواجب .. لكن هالواجب ما كان يقوم معو ... حاول صاحبنا كتير .. جرب .. شال حط قام ... لف نف تف شف حف .. ما خلا طريقة ما كان تزبط معو الحكاية .. انو واجب .. ويقوم.. ما مشي الحال
فانو زوقاً .. هالبنت حست ع حالها وقررت تزيل حاجز الواجبات والبروتوكولات والرسميات وهالقصص.. ودار بيناتهن الحديث التالي :
* البنت بالخط العريض .. بس مو الاحمر
--------------
- طيب .. شو ؟
- لاء
- ليش لاء؟
- اي
- اي ع شو
- ع اي..
- له له
- متل ما عمقلك
- ليش شو قلت
- ما قلت شي
- طيب ليش
- 
- شبك مبحلق
- شو رايك بفنجان قهوة
- ازا ما ساويت
- ل.....
- افحمتني .. رح ساويلك
- قهوة ؟؟!!
- اي قهوة .. شو لكن .
- لا بس عماتطمن
- ع شو ؟
- مو ع شي
- طيب
- رح تساوي قهوة يعني.
- اي شو لكن
- طيب
- لاء
- طيب لاء
- لاء اي
- واستمر الحوار لساعات تم تتويجه بفنجان قهوة من تحت ايديها ... مما يعني انو اثبتنا بالنظرية .. والورقة .. والقلم .. انو النا عين نجاوب .. وطاب الموت .. ياعــــــ رب