[sandra]

وشكر كبير الك كمان لإضافتك أورهوي
أغنيت الموضوع جد

ويلاحظ عند الاشخاص الذين يعانون من خلل في إفراز هذه الهرمونات أنهم يتكلّمون او يحركون اطرافهم أو احياناً فقط عيونهم أثناء النوم..

كيف يعني بيحركو عيونهم أثناء النوم ؟
هلا حسب معرفتي النوم مقسم لمراحل وبمرجلة النوم العميق يلي بيحلم فيها الإنسان اثناء النوم اسمها REM و فيها بتتحرك العيون بسرعة كبيرة
فشو الفرق بين الــ REM والحالة يلي أنت ذكرتا؟ ولا هي نفسا؟

فالأحلام مختلفة في مضمونها ويمكن أن نصف انواعاً كثيرة لها وتأثيرها علينا ولكنها ستبقى من الاشياء التي حيرت العلماء حتى اليوم في سببها، لماذا نحلم؟

فعلاً هو من الاسئلة المحيرة لحد الآن،
منهم بيشوف الأحلام هي عبارة عن تفريغ شحنات
ومنهم متل فرويد بيشوفوها منفذ لتحرير الأفكار والذكريات المكبوتة والموجودة باللاوعي

بما أن أحد وظائف النوم هو جمع وتصنيف الذكريات العقلة والجسدية والكشف عن ارتباطات جديدة بينها
( أوقات كتير ممكن نفيق بالليل إذا في شي شاغلنا من قبل ونكون ملاقيين الحل متل ما بيصير معي لما بنام وأنا عم اهدس بشي كلمة من الكلمات المتقاطعة ,,, بفيق بنص الليل من نومي وملاقية الكلمة المناسبة )

تعالو اعطيكم كم نصيحة عالماشي ... على مبدأ اعمل خير وكب بالبحر
بمتل ما ذكرنا النوم بيساهم بتصنيف العمليتا والذكريات ... لهيك يفضل تخلل الدراسة فترات من النوم أو القيلولة خلال النهار لانها بتساهم بعمل الذاكرة وبتصنيف المعارف
كمان في حال مرورك بدرس صعب وبحاجة لجهد كبير لفهمه واستيعابو ... بينصحو انك تقوم بقراءة الدرس قبل النوم مباشرة، هالعملية بتسهل عليك استيعاب الدرس لما رح تقراه تاني يوم الصبح

وأسفين عالإطالة