اقتباس:
كاتب النص الأصلي : yass
مافي علاقة تنظيمية بين الاخوان و حماس (او اخوان فلسطين), يعني تقدر تقول اخوان سوريا طول عمرهون شوي ع جنب إلى حد ما, يمكن بس مع اخوان الأردن (و السعودية طبعاً) في علاقات اذا مو تنظيمية على الأقل في تبادل زيارات و خدني جيتك(و السواد الأعظم من المبعدين عايشين بالأردن و السعودية و الباقي بأوربا و أميركا), لكن مع اخوان مصر و حماس مافي شي يجمعهون غير الاسم تقريباً, و مبادرات الاخوان هي جزء من محاولة للتقرب من حماس و اخوان مصر للركوب على موجة التقبّل العربي و الاسلامي الكبير لهالحركتين..
أنا مقتنع انو عملياً هلأ ما حدا خايف من الاخوان, لأنو ما عادو هنن رموز الاسلام السياسي بصيغتو الأكثر تزمّتاً, بالعكس في هلأ مين هو ألعن و ألعن مثل التيارات التكفيرية السلفية اللي حتى الاخوان المسلمين و حماس كفرة بالنسبة الهون...
هدول اللي يخوفو و الله يا خال...
|
بغض النظر عن العلاقات بين الحركات
الادبيات والايدولوجيات مشتركة بين كافة احزاب الاخوان ولا في اختلاف بيناتن ؟
التوجهات ممكن تختلف من تنظيم لآخر وهاد الشي جدا مقبول بحكم اختلاف الظروف
بس لازم يكون في خطوط عريضة وواضحة بيشترك الكل فيها ...
في حال كانت حكومتنا معترضة على الخطوط العريضة .. فيفترض تكون معارضة كافة اشكال تجمعات الاخوان المسلمين اللي من ضمنا بتم ادراج حماس ..
وكون في تقبل للتوجهات العامة والاختلاف كان قائم على الرموز والممثلين والمعطيات المفروضة بحينها فيفترض ينعطى للأخوان فرصة جديدة على الأقل ليثبتوا كفائتن واختلافن عن اخوان الـ 82 .
كقناعة شخصية بعيدة عن منطق هل يحق للاخوان الوجود ام لا يحق
من جهتي ما بقدر اتقبل الاسلام السياسي شو ما كانت تكون صيغته .. على الأقل بالفترة الحالية
مجرد فكرة تبني وجهة نظر دينية شو ما كانت تكون بتنرفزني وبتصيبني بالغثيان لأن بعرف مسبقا شو آلية التعامل مع كافة الأقليات او كافة الملل المغايرة للمنهجية الاسلامية المتبعها الحزب
وانت قلتا .. السلفية حاليا تعتبر الاخوان كفرة .. فكيف فيها تتعايش مع الأبعد من الاخوان .. مع الاشخاص اللادينيين او حتى ذوي الاديان المختلفة
لا تقوليا
انا جوا البلد
قولتك راحت علي وقوم ابدا ضب شنطتي بزيارة عاجلة لبيت خالتي
