اقتباس:
كاتب النص الأصلي : الموسيقار
قلتللكـ أنو مو دفاعا ً عن ستالين .. من الأول .. لأنو بعرف أنو رح تحكي هالحكي ..
أنا قصدي عالمبدأ ..
أنو الدول الي هلئ في مصافي الدول الكبرى .. مرت بفترات قمعية .. رغم انو شعبها كان في قمة حضارته الاجتماعية ..
فما بالكــ ونحن اللي عايشين تحت صرماية تخلفنا .. //قبل نظامنا //
سؤال بسيط ................................. بتمنى تجاوبي عليها بالتحديد
كيف بدنا حريات .. إذا كان كل شخص سوري ....بيشعر أنو أخو أحسن من ابن عمه .. وأنو ابن عمه أحسن من الغريب الي ساكن بحارته .. وأنو الي ساكن بحارته أحسن من ابن الحارة اللي جمبهم .. هييييييييييييكــ لتوصلي لأنو كل مواطن سوري .. رح يختار ابن طايفته أو ابن حارته بغض النظر عن كونه كفؤ ولا لأ ..
وهالشغلة ما حدا بيقدر . .أنو موجودة عند كل شخص .. عربي أولا ً .. وينتمي للعالم التالت ثانيا ً
ع فكرة خروتشوف .. عاش بشبح موالين ستالين طول حياتو ..
ومن منجزات ستالين ..
وكالة الفضاء الروسية ..
زادت طاقة روسيا النووية .. ل38 ضعف ..
وصلت نسبة الأمية بروسيا لـ 2.2 %
بعد ما كانت 17 %
البطالة وصلت للصفر ..
وتقريبا هتلر أنجز شي رديف ..
بس بقللكـ أنو صح تقتل شعبكـ؟
أكيد مو صح ..
بس الغلط .. أنو نسبق التاريخ .. ونحط رجلنا بمكان ما منعرفه
|
عفوا عالتأخير
ايه . أولا جبتلي أمثلة عن إمكانية نجاح الحكم الديكتاتوري رح جبلك أنا كمان أمثلة .. ماليزيا اللي هلأ صارت مثال الحضارة و التكنولوجيا و العلم ... الخ على الرغم من وجود مذاهب و أديان مختلفة بس هادول كلن صاروا شعب واحد بسبب الديمقراطية , يعني شوف وين كانوا و لوين وصلتن الديمقراطية ... كمان مثال أوروبا ... بظن هي ما لازم اشرح عنا كمان ...
يعني انتي حاطط شرط الازدهار هوي الديكتاتورية .. مافي حكم ديكتاتوري بيدوم هي قاعدة ..لأنو الشعب ما رح يقدر يكون مقموع للأبد
بعدين اي معك حق شريحة منيحةمن شعبنا متل ما قلت بس في كمان شرائح تاني و هالشريحة يللي عم تحكي عنا ما ممكن توصل لموقع المتحكم ... هي شعبنا انتخب حافظ الأسد على الرغم من أنو علوي بكل بساطة بس لأنو ظهر عالساحة ....
بعدين نحنا ما رح نسبق التاريخ لأنو نحنا عدينا التاريخ من زمان بس اللي رجعنا هني هالآخر 30 سنة بس... مع هالشي نحنا عنا شخصيات عظيمة بس كلن كمان مقموعين بطريقة أو بأخرى ... ما كل الشعب السوري هوي متل اللي بتشوفو بشوارع سوريا