النقطة الاولى وضحت
بس اجت بعدها نقطة تانية
اقتباس:
|
عدا عن ذلك, بالعالم العربي في التباس ما بين العمل الحقوقي و العمل بنطاق المجتمع المدني و العمل السياسي.. كلو فايت ببعضو (أقصد بالعمل السياسي ليس النضال من أجل حرية الرأي و الحرية السياسية, اساسا هاد النضال مانو سياسي انما حقوقي و مدني)
|
هيدا الكلام بيصح بالدول يلي فيها اساسا شي اسمو عمل سياسي اما بدولنا العربية باعتبار انو لا في حرية راي ولا حرية سياسية صارت هالمطالب مطالب سياسية لاحقوقية ولا مدنية من هون اجا الاختلاط
شعلة عدم التبعية بتوقع كتير صعب انو توصل لمنظمات ما الها تبعية لانو مهما كان شكل المنظمة فهي بحاجة لتمويل وباعتبارها مؤسسات غير ربحية فالتمويل ناتج اما عن تبعية لجهة ما سواء سياسية او دينية وبالتالي تاثر موقفها بموقف هالتبعية او عن طريق التبرع .. ومتل ما قال الماغوط بغربة ... تبر شووووووو؟؟؟؟ يعني ما ممكن تلم تبرعات الا يا دوب واذا تبرع حدا بمبلغ كبير صارت بشكل او باخر تابعة الو وبتخاف من فقدانو وهي حال كتير من هيك منظمات حتى باروبا
برايي انا انو هي المؤسسات لازم يكون الها دعم من الدولة من دون ما تكون تابعة الها بالمعنى السياسي او الديني يعني انو يكون الها مخصصات محددة بالقانون تبقى مع تغير نظام الحكم وبيصونها القانون من التطفل الخارجي ..
غير هيك بتوقع انو هالجمعيات ما رح تقدر تستمر لفترة طويلة ...