اعتذاريات
العذرمنك حبيبي والسماح
كان لي خاطر بقلبك خلني
خلني ما بين صدري والرماح
حاكم(ن) همي وهو محتلني
كل ما شيدت صرح الحب طاح
اطوي دروب العنا وتفلني
جيت للدنيا وهمي لي وشاح
عشت لغز وصعب منهو يحلني
كل من هوحب في عمره استراح
وانت عايش ياعساي وعلني
قلب واحد كان فيني بس راح
بعد ماحطم حياتي وشلني
كيف اطير وعلتي كسر الجناح ؟
كيف ادلك والفرح مادلني ؟
ليمتى وانت تعاكس بالرياح
ليمتى والصبر تو ما ملني
ليمتى والقلب يتحمل جراح
ليمتى والطيب فيك يذلني
ليمتى يا اعذب من الم القراح
من حنانك من وفاك تبلني
روح دور يابعد كل الملاح
عن نصيبك وان لقيته خلني
ادعي الله يسعدك ليل وصباح
ياسحاب من غلاه يضلني
|