[أبو شريك]

يسعد صباحك دكتورنا ..

أول شي مبروك افتتاح هالعيادة .. وعئبال م تفتحي مستشفى كامله ..

أنا مشكلتي بسيطه كتير .. من كم أسبوع كنت عم بلعب باسكت .. واكلت ضربه على أصبعتي الصغيره .. فانكسر وتمزق الوتر .. وئلي الدكتور انو بتلزمني عمليه وحولتى لمستشفى تخصصيه ..وهنيك ئالولي مافي داعي للعمليه ورح يعالجوها فيزيائيا ...... يعني بس بدي اعرف كيف بدو يطيب الوتر بعلاج فيزيائي .. هي م عم تدخل بمخي .. و ................................


عفوا عفوا .. نسيت أنو تخصصك بشرة مو عظام .. [[ صح النوووم ]] ..



هلىء بنجي للجد .. أنا من اصحاب البشرة الدهنية .. مو دهنية كتير .. ولا شوي .. وسـط ..

مشكلتي بتتلخص بـ شغلتين :

1- البثور السودا على الأنف .... صحي أنها ئليله وصغيره و م بتبين إذا عن بعد .. يعني م بتسببلي مشكله بالوئت الحالي .. بس عم بحسب حساب للمستئبل ... مشان المدام يعني ..
طبعا انتي شرحتي لـ catwaman هالنئطه .. بس صار عندي إلتباس بـ أولا و تانيا .. يعني الغسيل الأسبوعي للبشرة هوه اللي كتبتيه بـ تانيا .. ولا في نوعين من غسيل البشرة للتخلص من البثور السودا ؟

2- متل م ئلتلك بشرتي دهنية .. فأحيانا بكون مالل وطائئ و م عندي شي اعملو .. فبمسك وشي وبعصّر فيه ....... مو بهالصوره .......... كيف بدي اشرحلك ............. ممممم .. يعني بحس كأنو في حبوب بوشي ..
مو حبوب حبوب .. بثور .. بس مو سودا ..
يعني متل فراغات صغيره كتير .. ولما بضغط على أطرافا بتطلع مادة مدري شو اسما [ بس مو ظريفه ] .. فهل هالشي طبيعي مع البشرة الدهنية .. يعني هالمادة عبارة عن افرازات طبيعية .. وعادي لو طلعتا .. ولا م بصير طلعها لأنو بتطلع لحالا ..؟

تاني شي مشان لون البشرة .. كانوا أهلي بحذروني كتير من الوئفه تحت الشمس .. بس أنا كنت بوئف !!
المهم .. هلىء ايديي و وجهي لونن أغمق من باقي جسمي ..

- اول شي بدي اسألك ليه بيتغير لون البشرة بعد التعرض للشمس ؟ شو بصير بالخلايا ؟
- تاني شي بهالحالة [ التعرض للشمس ] ممكن يتم تفتيح البشرة مرة تانية .. يعني الصالونات ممكن تعمل شي ؟
- وتالت شي يا ترى الآثار الجانبية كبيرة كتير ولا عاديه ؟ يعني معئول يصير فيني متل مايكل جاكسون و م ائدر اتعرض للشمس أبدا ..! وطيب و فرضا تعرض بشرتي للشمس بعد م عالجتا .. شو حيصير .؟؟


عندي كمان كم سؤال .. بس خلين للجلسه الجاي ..


شكرا سلفا دكتورتنا .. و أحلى بائة ورد لإلك