اقتباس:
|
اخي الكريم في جوابك الثاني ذكرت بانك تريد من الحكومة ان تتركك بشانك انت وكافة شرائح الشعب
|
عفوا يا اخ بس انا ما ذكرت لا بجوابي الاول و لا التاني انو بدي من الحكومة انو تحل عن سمايي
اقتباس:
|
الراعي الذي يقوم برعي خرافه ، ويقف حازماً يحمل بندقيته كي ينال من اي لص او ذئب يحاول السطو على خرافه ، وعندما لا يكون هذا الراعي موجوداً تجد ان الخراف اصبحت وجبة شهية سهلة المنال من قبل اللصوص والذئاب . مع التشديد على ضرورة فهم معنى الخراف كل حسب فهمه .
|
حطيت ايدك ع الجرح تمام
يللي عم اطلبو من الحكومة انو تحمل البارودة و تدافع عني
بس الجولان طار
و كيليكا طارت
و اسكندرونا طار
و ماردين طارت
وين البارودة؟؟؟؟
38 سنة ناطرين ترجع الجولان و لسا ما شفنا شي
عرفت ليش بدي الحكومة تستقيل و البعث يحس على دمو و يفرط؟
اقتباس:
|
يا اخوان نحن عندما نطالب باستقالة الحكومة يجب ان تكون الاسباب الكامنة وراء مطالبنا هذه منطقية
|
قولتك اذا طالبت بترجيع الجولان هاد مو مطلب منطقي؟؟؟
طيب الغاء قانون الطوارئ مو مطلب منطقي؟؟؟
طيب انتخابات ديمقراطية دستورية مو مطلب منطقي؟؟؟
شو المطالب المنطقية حسب المنطق يللي عم تحكي فيه ؟؟؟؟
اقتباس:
|
هل تقوم دبابات الحكومة ومجنزراتها باقتحام بيوتكم كل يوم
|
مستحيل تدخل كل يوم
لسبب بسيط
لأنو اذا دمروا بيتي اليوم مستحيل ارجع عمرو بوكرا
اقتباس:
|
هل تطردوا من مدراسكم وجامعاتكم ، هل تجدون الصعوبة في تامين لقمة العيش على اقل تقدير ، هل تمنعكم الحكومة السورية من اداء شعائركم الدينية كل حسب دينه ، هل تغتصب اراضيكم ، هل تقتلع معاليكم . كل هذا غير موجود وغير ممكن .
|
انت عم تحكي عن سوريا ؟؟؟ لتكون عم تحكي عن سويسرا
نيالكم انتوا بسويسرا كيف عايشين
نحنا بسوريا حبيب ما بيصير عنا متلكم
بخصوص الطرد من الجامعات يعني بالاول ليصير عنا جامعات خرج تكون جامعات منعود منطالب بعدم طردنا منها
بس جامعات دمشق و حلب و البعث و تشرين يعني هدول جامعات تعليمية ع قد ما جامعة الدول العربية جامعة تعليمية
بخصوص الصعوبة بالاكل و الشرب " باضعف الايمان متل ما ذكرت " و الله في صعوبة حبيب
يعني لما تكون البطالة بين الشباب 50% اكيد في صعوبة بتأمين وسائل العيش الاساسية
و بخصوص الشعائر و حرية التعبير ...
ليش منتدى الاتاسي مغلق؟؟؟
ليش رياض سيف بالحبس؟؟؟؟؟
ليش عارف دليلة بالحبس؟؟؟؟؟
مأمون البني؟؟ و غيرهم و غيرهم و غيرهم؟؟؟
و الاراضي عم يتم اغتصابها
و اللا انشالله برأيك انو موظف بالقطاع العام راتبو هلأ بعد عشرين سنة صار 10000 ليرة يعني 200 دورار شاري فيللا بالصبورة من راتبو؟؟؟؟
اقتباس:
|
لذا ارجو منكم تحديداً الرد ماذا انتم تريدون من الحكومة السورية بالتحديد
|
بالتحديد
1 - الغاء قانون الطوارئ
2 - محاكمة رؤوس الفساد
3 - محاكمة القائمين على مجازر الامويين و حماة و حلب و جسر الشغور و تدمر
4 - منع المؤسسة العسكرية من التدخل بالحياة السياسية
5 - احياء لجان المجتمع المدني
6 - تحرير الاقتصاد السوري
7 - اجراء انتخابات ديمقراطية دورية على مستوى رئاسة الجمهورية و مجلس الشعب
8 - العمل بقانون " من اين لك هذا "
9 - اطلاق سراح جميع معتقلي الرأي و تنظيم قانون لحرية الاعلام
يا ترا انا عم اطلب المستحيل؟؟؟؟
و دمتم
عندما تتأجج نار التحششيش .. تنأى الحشائش بالحشيش الحشحشش ..
وحشيشة التحشيش .. عمر أحشش ..
حش الحشائش في حشيش محشش ..
حشاش يا أخا الحشيش ..
حشش على تحشيش محششنا القديم ..
سوريا الله حاميا
jesus i trust in you