[حنين.]

كاتب النص الأصلي : sandra

متابعتك دايما بتسعدني هدى
شو صار بموضوع الاكتئاب ؟؟؟ ما عاد كملتي فيه

ادا بتسمعو نصيحتي استنوه ليخلص تماما واقروه
بتعرفي انا كتير كسولة وادا زدتي عليها الظروف وطول الموضوع وبعض المخططات اللي كتير مهمة وما بقدر ما حطها وما بعرف كيف حطها فما بعرف امتى رح يخلص

كاتب النص الأصلي : sandra

الحصر Blocking

توقف مؤقت أو عابر للتفكير ... أو عدم القدرة المؤقت أو العابرة على تذكر الاشياء في مواقف معينة وغالباً بتكون مواقف محرجة

ومتل مو مبين من الأسم بالانجليزي ... انو الفكرة مبولكة بالمخ وما عم تطلع لبرا

بتصير معي كتير
بالاول كنت انا اعمل بلوك ارادي ويظهر اني اتعودت عليه او ما عرفت الغيه
ماتعرفي كيف يشيلو البلوك على المخ؟؟ فيديني انا رفيقتك

كاتب النص الأصلي : sandra

الارتداد.. النكوص Regression

مثال 2 : حسب نظرية التحليل النفسي .. اللعب للكبار هو نكوص ... يعني عودة لمرحلة عمرية أصغر للتخلص من ضغوط الحياة والواجبات المترتبة عليهم وهم بهالعمر

طبعاً لازم ما ننسى أنو النكوص متل باقي الآليات الدفاعية بيتم عمستوى اللاوعي

هلق لفهمت ليش بيموتو بالرسوم المتحركة وبيقعدو يتفرجو عليها ساعات وساعات

كاتب النص الأصلي : sandra

الجسدنة Somatization

وجود أعراض جسدية واضحة ذات منشأ نفسي " قلق وتوتر نفسي"

مثال : الشعور بالغثيان والصداع قبل الامتحان
مثال 2 : ألم بالمعدة قبل لقاء الحبيب

طبعاً هالأعراض بتكون حقيقة وغير مصطنعة
وهالاضطرابات بتختلف عن اضطرابات الشخصية الهستيرية يلي بتأدي لفقدان توازن الشخصية

عاينتها بنفسي عند زميلة بالجامعة كنت بقلها كانك بتفكري ببطنك
كل ما يكون شيء يستدعي التفكير بيوجعها بطنها

كاتب النص الأصلي : sandra

الاقحام، الاستدماج Introjection

مثال: رغم انتقاد كتير من الشباب لتربية أهاليهم إلا أنهم بيعتمدوا بتربية أطفالهم عنفس الطرق يلي تربوا فيها

مشكلة كبيرة فعلا خصوصي انها تتم على مستوى الاوعي

كاتب النص الأصلي : sandra

الانزياح Displacement

تحويل المشاعر أو الغرائز التي يصعُب التعبير عنها بطريقة مباشرة كالجنس والعدوان ً او اي مشاعر حادة كالغضب والقهر مثلاً بطريقة آمنة عن طريق توجيهها لشئ او شخص اقل عدوانية خوفا من الأذى.
أي إزاحة الانفعال المرتبط بشيء أو فكرة وإحلاله على شيء آخر
إذاً يتغير الهدف ... ولكن المشاعر ذاتها

تغير اتجاه الهدف لمشاعرنا (توجه المشاعر) يتبع تسلسل شبه هرمي ... المشاعر تفرغ باتجاه شخص يمكن لنا أن نفرغ مشاعرنا فيه بشكل اسهل ودون عواقب ...

من أمثلة الانزياح
موظف معتر أخد عقوبة بالوظيفة .. رجع عالبيت فش خلقو بمرتو المعترة
مرتو المعترة بتوجه غضبها للابن الصغير وبتضربو
الابن الصغير بيروح بيكسر لعبتو

مدري ليش تذكرت موضوع بيرسونيتا "قصة ليست للأطفال" وأنا عم اكتب هالمثال

تعقيب صغير ذو صلة بالموضوع
الرهاب ... وفقا لفرويد .... يخضع لألية الانزياح ... فمثلا
في المثال الشهير عند رهاب الشخص للافاعي ... فانه فعليا لا يخاف الافاعي لكونها مؤذية وانما يخشاها لكونه يعبر عن بذلك عن خوفه من شي ما مرتبط بها بالية الانزياح ... كخوفه مثلا من العصا (رامزة الى العنف والضرب) والتي تشبه شكليا الافعى

متلك تماما اتدكرت برسونيتا بهالمتال
دائما كنت اسال حالي ليش بخاف من الفار وما بخاف من القط؟ قولتك ممكن يكون اسقاط لشيء

مرسي سندرا دائما بستفيد من مواضيعك الرائعة