[اكليل الورد]

كاتب النص الأصلي : hazim jabali

جهدك مشكور.. يا أكليل الورد.. ولك منا باقة زهور على مساهمتك أولاً .. وعلى اسمك الجميل .. المنعش .. فالورد أكثر الزهور شعبية ومجرد سماع اسمه يبعث في النفس الإنشراح ..
إنما لي ملاحظة صغيرة.. أنا عشت فترة في لبنان ولاحظت إنو النكت اللبنانية بيسمعها الواحد بكميات غزيرة وين ما كان ..بالشركات.. بالباص .. بالسوبر ماركت .. على البيسين .. بالروشة .. بعين المريسة .. بالبربير.. بالدورة.. ببروج حمّود.. بمارانطلياس.. وكنت مثلاً إذا استحثني شخص لأسرع وقال لي: روِّج اضهار خيي.. يقدحني فوراً نكتة مناسبة تليق بتأخري وتلكؤي..
وأنا شايف مطرحك في عيون لبنان الغالي.. طيب وين النكت اللبنانية ؟! .. يعني صحيح النكت الخليجية حلوة..( حلوة مَرّة على قولهن بالخليجي.. فهم يقولون مرّة يعني كثير.. وأنا هيك قصدي مو شي تاني )..
حلوة ما قلنا شي.. بس عن جد اشتقنا للهجة اللبنانية ونكتها الدارجة..
ياريتني كتبت النكت اللي سمعتها لما كنت بلبنان لأنو للأسف نسيتها ونسيت غيرها بسبب المصايب اللي شفتها بحياتي ورح تنسيني اسمي .. بس بتذكر كنت كل يوم اضحك ببيروت على كم نكتة جديدة! وكأنو في لبنان نبع نكت لا ينضب!.. شي من كعب الدست.. وشي من تحته .. وشي من فوقه.. حتى إنو لما الواحد بيريد يشتم كان يشتم بشي نكتة! وكان فيه برنامج بالراديو على موجة FM بمحطة صوت الغد على ما أذكر..يقدمه مذيع مشهور( ميشيل..) واسم البرنامج ( اضحاك وعيش مع أبو الميش).. بس مصيبتي إني ما علق بذهني من النكت اللبنانية غير الملغومة وبس.. باسترجعها بسهولة!! ..( ليش ما بعرف!!).. وما عاد أقدر استذكر باقي النكت إلا بالصدفة إذا انذكر قدامي شي يحرّض ذاكرتي ويذكرني فيها.. يعني شيء بالشيء يذكر..
بكل الأحوال..
يسلمو ايدين النواعم خيّتي..
ويئبرني رب الرايئين.. شو بدّنا بالمَشيكيل!

اول شي بحب اشكرك على مرورك وردك الرائع تاني شي انا بعرف عن النكت اللبنانيه كيف بس لاني مو عايشه بلبنان عايشه بالخليج من فتره طويله اخدت على اللهجه الخليجيه ونكتهم مشان هيك بس انا بوعدك اني حاول جبلك كم نكته ظراف لبنانيات لحتى تروق فيهم وبحب اشكرك مره تانيه على وصفك الرائع الي ولبلدي الغالي
تحياتي الك