[شكو زولو]

هلق يلي حابب قولو للكل أنو هاد موضوع ما بينقاس هيك
بينقاس بالوقائع و الكنيسة اضطرت تعدل كتير للأسباب الأجتماعية
يعني الطلاق كلو ممنوع بالمسيحية لأن ما جمعه الله لايفرقه أنسان
و كلاهما يصيران جسد واحد و الرجل يصبح رأس المرأة كما أنا المسيح هو رأس الكنيسة

بس الطلاق كان موجود و لسبب واحد و هوي الزنى
بقا يلي صار يا اخواتي أنو كل شخص أختلف مع مرتو صار يروح يدفعلو كم ليرة لكم شاهد و يجو يشهدو أنو هي عم تزني
و المرة نفس الشي صارت تقول يا اما جوزا عم يخونا يا اما عم يجبلا رفقاتو على البيت منشان يحققو شروط الطلاق
و لينفصلو عن بعض و صارت هاي الشغلة شغلة المالو شغلة
و يعني اذا الزلمي كتير فهمان بيروح بيأسلم و بيطلقا على كيفو
بقا الكنيسة أضطرت تعدل من بعض القرارت وفق ما بيقتضيه الواقع

يعني اذا الظروف فعلا ما بتواتي يعيشو مع بعض ليش ليتهمو بعضن بالزنا بيحكو يلي عندن و المحكمة الروحية بتقرر
و السبب التاني أنو ليش لتخلي ضعيفين النفوس يخسرو دينن و يأسلمو

بقا الموضوع مانو شوربة عدس حتى نخالف تعاليم دين و مبادئو
يعني النظرة يلي عم تنظرلها حضرتك هي نظرة عامة دون المعرفة بمبادىء الدين يلي عم تحكي عنو

بتمنى فكرتي تكون وصلت صح يعني شو بيكون اذا الزواج ما عليه قيد و أيمت ما بدك بتتزوج و أيمت ما داقت خلاقك
بتقلاها طالق و بتروح بتتزوج مرة تانية و تالتة و رابعة و عاشرة

يعني أي شي ما بيكون الو قوانين بيكون فاشل و ما بينضبط

ما جمعه الله لا يفرقه أنسان من أجل أهواءه و ملذاته و كبريائه
هاد الرابط المسيحي بالزواج يلي هوي سر مقدس بيخلي الرجل و المرأة جسد واحد

سلامات