اقتباس:
زاويتك على راسي و عيني و بعرف انها مقروئة كتير ...
بس برأيك ما بيستحق ( ميشيل كيلو ) موضوع خاص فيه ؟
أنا بحترم ميشل كيلو و معجب بالدكتور عارف دليلة بس ... أنا مع قرارات الحكومة باعتقالهم هنن و غيرهم و بدون ما اعرف الاسباب
يمكن لما الواحد بيآمن بشي بيصدق كلشي عنو ( أو منو ) بدون تفكير .. لأنو بس فكر معناها عم يخون إيمانو
|
لحظة اعرف انو ميشيل كيلو صار عند أم الأيهم بالبيت... رح ينزل موضوع عنو يخبّر بهالشي... و كونك مع قرار الحكومة باعتقالهون يبقى رأيك الشخصي اللي للأسف ما فيني غير.. اصمت ازاؤو, لأنو ازا بقلك بحترمو رح كون عم اكذب عليك, بصراحة... و ما رح ناقش بالاسباب لأنو بعتقد بديهية و معروفة
فالصمت ساعتها بيكون احترام لشخصك و ليس لرأيك
اقتباس:
هو يا ريت ما يصير هيك بس للأسف صار و مشي الحال
ببعض الاحيان بيكون في موضوع سياسي معين و بتختلف الآراء فيه و بيكون التميز و الكفة مايلة لشباب الموالاة .. بيجي واحد من شباب المعارضة بيبعت إيميلات و استغاثات لبقية الشلة حتى يشيلو معو و يدافعو عنو و هي الشغلات أنا بعرفها و واثق منها
بقى هو مالازم يكون هيك ... بس للأسف صار هيك و من زمان
|
انا ما بشوف هيك... يجوز لأنو برفض شوف تيب أو قالب معارضة و قالب موالاة.. يجوز لو نشيل هالقالب.. بتتغيّر الأمور...
انا محسوب على غلاة المعارضة, و فيني أكدلك انو بحياتو ما قلت لحدا يفوت يشارك بموضوع, أو حدا طلب مني شارك بموضوع, لتميل الكفة لصالح حدا.. المواضيع مانا موازين قوى أو حلبات صراع انما هي مساحة تبادل وجهات نظر, أو سرد شغلات...
لذلك بجهل ازا بيصير هالشي, و ازا بيصير, بتوقع مافي طرف ملاك و طرف شيطان متل ما عم تصوّر... و بظل على كل ضد أسلوب الفرقاء جدا جزيلا
تحياتي