[شب الكوبة]

كاتب النص الأصلي : VivaSyria

هو أول شي عندي ملاحظة بعتقد انها متكررة بمواضيع الأخ شب الكبة... انك تعطي صفات للي يعتقد بشيء ما.... مثلا لما تقول انو كل مواطن منصف ملاحظ الانفتاح (1)... طيب اللي مو ملاحظو كذاب يعني؟؟

و كمان تحت تبعيت كل مواطن شريف يتمنى انو التلفزيونات ما تتجاوز الخطوط الحمر... أساسا ربط كلمة اعلام بكلمة خط أحمر هو خطأ.. مهمة الاعلام هو تقديم المعلومة اللي عم تصير.. و طالما في تقييد لهالشي معناتو مافي اعلام..... و ازا صار حادثة طائفية بالبلد بعتقد من واجب الاعلام الاخبار عنها و من حقي اعرفها.. و أنا بعتبر حالي مواطن شريف.. (2)

بعدين عندي كمان ملاحظة حول عدد الدوريات و الصحف و ما إلى هنالك.. يعني بصراحة معروفة عدد جيد من هالدوريات مين مالكها.. و معروف توجهها.. و هالعدد مسخرة حقيقة ازا عرفنا انو بفترة الخمسينات كان في بمدينة دمشق 40 دورية ما بين جريدة و مجلة.. بالخمسينات كان في 3 جرايد بمحافظة دير الزور.. و هلأ مافي غير جريدة وحدة عملوها من فترة هزيلة و مثيرة للشفقة.. (3)

و بالنهاية بالنسبة لحرية الصحافة... فلا في حرية صحافة و لا في نية لجعلها... عم يولدو حيتان اعلام جدد متوافين مع السلطة على شو بينتشر و شو لأ... و في تبادل مصالح فيما بينهم.. و ما زلنا نضطر نقرا أخبار بلدنا بالصحف الخارجية.. و ما زلنا ازا صار شي بالبلد نفتح مية تلفزيون قبل ما نفتح التلفزيون السوري.. و هالشي مدعاة خجل...
بشرفك طلب شخصي حبيب: بكرا جيب تشرين والبعث والثورة... وغطي اسم الجريدة مابتفكر حالك معك جريدة وحدة 3 نسخ؟؟؟

والله ماعم افهم هالحكي يلي عم تحكيه انت مقتنع فيه؟؟؟ يعني انت مقتنع انو هيك وضع الاعلام عنا أما عم تساري هالشعب المسكين وعم تساير حالك؟ (4)

و شكرا

(1)معلش أنا بعتير حالي منصف ... و واضح الي تماما متل ماكتير "منصفين" غيري أنو عم بيصير انفتاح اعلامي ... يعني الوضع هلأ أحسن من الوضعمن خمس سنين ... والوضع من خمس سنين أحسن من الخمس السنين اللي قبلها .. أي انو في]خطوات عن تتاخد نحو الأمام بغض النظر عن مدى سرعتها و مدى الضغوط الكبيرة يللي عمنتعرضلها كبلد .. وكمان بتضل أحسن من كتير دول عربية

(2)هي وضحلك ياها Barleb

(3)اذا قصدك مسخرة ع عدد الدوريات فعنا هلأ شي ألف دورية عملية واجتماعية ورياضيةوثقافية وكلو شي بنرفع الراص فيه وفي منها مجلات عم تتحقق مبيعات عالية بكل الدول العربية

(4)صحفنا الرسمية كمان متحسنة بشكل كبير .. و لا يخلو عدد من أخبار أو تحقيقات يكشف الفساد و الأهمال لدرجة عم تطال أعلى الأسماء أحيانا ... وفي كتير مسؤولين انشالو من منصبن من وراها... وهاد شي ايجابي ولازم يتاخد بعين الاعتبار عند الكلام باي شكل سلبي عن واقع صحفنا

الذي يحدث هو تطور حقيقي في واقع الاعلامنا ويجب عدم انكاره بل تشجيعو حتى يوصل لمداه و يحقق كل الامال المعقودة عليه

كاتب النص الأصلي : sezar

ما تعريف الخطوط الحمراء ؟؟
من يضع هكذا خطوط ؟؟
بالاعلام الحر مافي خطوط انما في قانون ..
ليمنع تلفيق التهم.. قذف شخوص المسؤولين دون دليل .. أخبار كاذبة .. إلخ
إنما يصير عندك خمسين قناة و الخمسين عم يقرو نفس نسخة نشرة الأخبار .. إي مو زابطة ..
تحرر الإعلام يرتبط بإلغاء وزارة الإعلام .
وضع قونين واضحة و صارمة خارج نظام قوانين الطوارئ.
إعطاء التصاريح اللازمة لكل من يرغب بانشاء مؤسسة إعلامية "صحيفة,قناة,إذاعة" و لا يقيدها إلا القونين الموضوعة لهذا الغرض و هي قونين للأمور القانونية بمعنى متل ما قلت سابقا .. للحفاظ على نوعية إعلامية ما
رفعت الكي بوردات و جفت الماوسات.

بعض النظر عن اي اعتبار تاني رح حكي بالمنطق
الخطوط الحمرا هي خطوط تحقق مصلحة الفرد و المجتمع و تضمن تنظيم الحياة والواقع الاجتماعي .. وتحظى بتأييد أغلب المجتمع
فقتل شخص هو خط احمر والسرقة هي خط احمر و الاغتصاب هو خط أحمر
كمان مين قلك أنو القانون غير الخطوط الحمر ... القانون بيحط الخطوط الحمر التي يجب عدم تجاوزها
أما باقي كلامك فأنا بأيدك بمعظم ما ورد فيه

كاتب النص الأصلي : phoenixbird

باعتبار جبت سيرة الاذاعات ما بعرف كيف طلعوا معك 20 اذاعة وهني 10 اذاعات معظمون نسخ عن بعضون
ما بعرف كيف رح يتقدموا وهني مجبورين يقدموا برامج الاس ام اس وطق الحنك والاهداءات وبس
يمكن بستثني ارابيسك اللي عم تحكي شوية برامج اجتماعية بس لهلق بامور عادية
وشام اف ام اللي يمكن ارتبط حضورها بانو عملت جو فيروزي رحباني دايم وبوجود هيام حموي

اما باقي الاذاعات فهني طق حنك ومسخرة بكل معتى الكلمة ومعروفين مين رؤوس امولوهون ومع مين متحالفين

عالهامش : مرة قلي احمد انو مجد سليمان صاحب اليو جي عم يحضر لاذاعة ومحطة

العدد الحقيقي الن 14 اذاعة محلية وعدد من الاذعات الخارجية و انا ع قلت شي عشرين ع سبيل التقريب مو التحديد .. و يتصور ما لازم تحكم علين بشكل قاسي لأنو اكترن ماالو اكتر من سنتين مبلش .. ومع ذلك في الهن ايجابيات من خلال النشاطات الاجتماعية والثقافية و العلمية يللي عم بينقام فيها

كاتب النص الأصلي : Barleb

في برنامج على صوت الشباب .. بيطلع الصبح بعد اغاني فيروز .. بيقدمو شب أسمو امجد .. لأول وهلة بيبين الشب انو معلاق كتير ..

بس البرنامج كتير كتير حلو و بيطرح مشاكل المجتمع السوري

... شو عم بيفيقك قبل الشحادة وبنتا
بس للأمانة انا سمعتو مرة من سنة وبالفعل شي حلو .. الشب اسمو امجد طعمة بيقدم برنامج "جيلنا" ع الفضائية السورية