[Liu Kang]

كاتب النص الأصلي : أبو طريق

لك شلون بدي ناقشك و حضرتك عمبتقول عن رأيي إنو علاك مصدي و جعجعة بدون طحن؟؟؟؟؟؟!!!!!!!!!!!!!!!!!!!!!!!!! هاد نقاش هاد؟؟؟؟!!!!!!!!!!!!!!!!!
بعدين مين قال إني رح اقدر اقنعك؟؟؟؟ مو لأن ما عندي ثقة بحالي أو برأيي، بس أنا من زمان بعتبر حزب الله هوي مجرد أداة اسرائيلية بالشرق الأوسط(بلبنان تحديدا)، و رفيقي ماكان يصدقني و يضحك عليي، بس لما بين معدنو لما طلع الجيش-الاحتلال- السوري من لبنان، بين على نص حقيقتو، و بالأخير اقتنع صاحبي بحكيي، فأنا ما بقدر اقنعك، الزمن رح يقنعك، هاي أولا، بعدين حزب الله شو هوي غير ميليشيا؟؟؟؟؟ مانو دولة ولا شي، ونحنا منعرف شو اسرائيل، إذا ما بدك تعترف إنها دولة، لازم تعترف بقوتها عالميا، يعني أميركا و أوروبا معاها و دائما بيدعموها بأحدث الأسلحة و الطائرات، و مافي حدا ضدها، فبالتالي دولة غصبن عني و عنك و عن كل العالم، فمن الغباء إنو ميليشيا يهاجم دولة متل اسرائيل، غباء رسمي، يعني لو اللي هاجمة سوريا أو مصر أو شي دولة عندها سلاح جو و مارينز و ...الخ، بقلك يا أخي والله معك حق، بس هاي ميليشيا، يعني عصابة صغيرة، شو عمتعمل باسرائيل غير إنو تنكشها نكش، بينما اسرائيل ما خلت شي بجنوب لبنان إلا دمرتو(بنى تحتية، مدارس، مستشفيات، أطفال،...الخ)و كلو بالطيارات، يعني غباء رسمي مهاجمة هيك قوة، ما تفكر إني عمعظم اسرائيل و أعملا مارد، بس يا أخي بالنسبة لحزب الله، طبعا قوية و قوية كتير، بعدين لا تنسى إنو متل ما قلتلك قبل، أوروبا و اميركا و المجتمع الدولي داعمها، و بالوقت اللي كلنا منعرف إنو اسرائيل كان بدها حجة صغيرة لضرب لبنان إجاها حزب الله متل الفرج و خطف هالجنديين و بلشت اسرائيل هالقصف، يعني مبيني أشكرة إنو كل هاللي عمبصير سيناريو راسمتو اسرائيل و عطت البطولة لحالها و لحزب الله!!!!!!!!!
بدك تحكيني عن الأسرى؟؟؟؟ بجوز أنا لوكان إلي متل ما تفضلت حدا بالسجون كان موقفي يمكن غير هيك، بس لاتنسى إنو رح يكون موقف عاطفي، يعني العواطف رح تحكمني، و غلط الإنسان يستسلم لعواطفو و ينسى عقلو، صح إنو الأسرى مساكين، و أهلن عميتقطع قلبن علين، بس يا ترى الحل إنو يموتو هالأطفال؟؟؟؟؟؟؟؟ لك عمبتشوف كام طفل عمبموت؟؟؟ ما عمبتابع أخبار؟؟؟؟ مانك شايف كيف الاطفال عمتنحرق؟؟؟؟؟ روح تفرج على الـnbn، و باقي الفضائيات، روح شوف المجازر اللي عمبتصير، برأيك و برأي العقلاء بصير هالأطفال اللي هنن المستقبل، يموتو مشان الأسرى؟؟؟طيب شو استفدنا نحنا هيك؟؟؟؟ يا سيدي و طلعوا الأسرى، بس تعوضوا بدم الأطفال، شو استفادوا هيك اللبنانيين؟؟؟؟يا سيدي شو استفاد العرب حتى؟؟؟؟ هي إذا طلعوا الأسرى، و كمان لاتنسى إنو مو بس أطفال راحوا، راح غيرن أبرياء كتير، طبعا غير الخسائر المادية.
المهم يا باشا، أنا متل ما قلتلك، ما بدي لا اقنعك و لا تقنعني، خلي الزمن يثبتلي إني غلطان، أو يثبتلك إنك غلطان، و أنا أخدت هالدرس عن تجربة، مو عباطة أو قلة ثقة.

والله بكلامك هادا بتشبه واحد من الحكام الخونة هي نحنا العرب جبناااااااااااااااء ما بنفكر ابعد من انفناااااا