اقتباس:
ممكن أسألك سؤال...
شو رأيك إن أخد أحد اسمك وبدأ يكتب باسمك وينقل كتاباتك وآراءك؟ بتنبسط؟
|
 اي ...
اقتباس:
|
هل تعلم يا هشت نشت أن أحد أسباب تخلف بلادنا في الأمور الفكرية هو ضياع حقوق الملكية والنشر.. رح أعطيك مثال بسيط.. الصين اللي انت بتحبها بتورد لنا برامج مقرصنة بتشتريها بـ 25 ليرة سورية من السوق... هل تعلم ماذا تفعل ؟
|
لاء أبداً ..أسباب تخلفنا بعيدة كل البعد عن حقوق الملكية الفكرية ..أساساً عندما غرقنا في التخلف لم يكن هناك أصلا معنى لعبارة ( حقوق ملكية فكرية )..و أيضاً عندما كنا في مقدمة ركب الحضارة لم يكن أحد سمع ب ( حقوق ملكية فكرية ) ...و رح أعطيك مثال بسيط ...الصين اللي أنت شكلك ما بتحبا ....بتورد لنا برامج مقرصنة ( اللي يكتر خيرا ) و ليك وين صارت ...(إلا اذا بدك تقلي أنو الصين متخلفة ..ترى بكون حديث تاني ) .....
اقتباس:
أنت تطرد كل مبرمجي البلد إلى الخارج.. أنت تقول لهم.. (حقكن 25 ليرة سورية.. كل تعبكن ودراستكم حقها 25 ليرة فقط) روحو على بلد يهتم بحقوق الملكية لأنو نحنا ما عنا هيك شيء.
أنت تطرد كل شخص لديه النية بالكتابة إلى بلد يحترم حقوق كتابته... إلى بلد يحفظ له كتاباته.
|
يعني تماماً أنت عم تأكد ع الشي اللي حكيتو أنا ....حقوق الملكية الفكرية التي تدافعون عنها هي جزء من منظومة رأسمالية تهتم أولاً و أخيرا بحسابات الأرباح و الخسائر ...و هنا أقصد الأرباح و الخسائر المادية تحديداً !!!
طبعاً بدولنا العربية عنا مجموعة نماذج قزمة لحقوق الملكية الفكرية بتتمثل بشكبات الانتاج الفني و ما جر جرها من عقود الفنانين الاحتكارية ....
و من الناحية النظرية الرقي الفكري لا يتجزأ ..(بمعنى ما فينك تكون راقي من هالناحية ..و مبهدل من الناحية التانية ) ..و اذا افترضنا أنو هالشركات هي بتملك الرقي ( اللي عم تتهمني حضرتك أني بفتقدو ) من خلال كونا شركات كتير بتهتم بحقوق الملكية الفكرية ..فشي كتير غريب قديش انتاج هالشركات ( الفني ..الفكري ..سمي اللي بدك يا ) كان مبتذل ..منحط ...و تافه !!!!
هاد الشي بأكد بأنو الدفاع عن ما يسمى ( بحقوق الملكية الفكرية ) ما هو إلا دفاع عن مكاسب ( مادية ) ممكنة ..أو محتملة ...و ما ني شايف في أي نوع من أنواع الدفاع لا عن الرقي ولا عن التقدم ..و لا ممكن يكون باب للخروج من التخلف .
اقتباس:
|
أنت بكل بساطة تمثل العامة الذين لا يعون قيمة الفكر يا سيدي.
|
أنا كتير سعيد أني بمثل العامة ...يعني خاصةً و أنو الخاصة ما كتير شي مشرف أنو الواحد يمثلن هالإيام
أما اذا كنا نعي قيمة الفكر أو لاء ...بعتقد هاد سؤال أكبر من حجمك .. ( مو لأنو حجمك صغير لا سمح الله ..أو انتقاصا من قدرك ) بس لأنو يعني قياس وعي الاخرين لقيمة الاشياء عملية بتتطلب أكتر بكتير من التكبيس ع زرار الكيبورد .
اقتباس:
|
هذا الفكر الذي لا تجد له قيمة رفع بلاد الغرب، ووضعنا بالحضيض...
|
نظراً لتهافت مقولتك الأولى ( من حيث أنو نحن لا نعي قيمة الفكر ) ..تتهافت حكماً مقولتك السابقة ....للأسف يعني
اقتباس:
|
ممكن أسألك سؤال.. لم تجد مثلا مثلا في أغاني كاظم الساهر وفي آخر الفيديو اشارة غلى أن كاتب الأغنية هو نزار قباني...؟ لأنه سيصبح مسخرة.. سيصبح سارقا إن لم يذكر ذلك.
|
أنا ماني شايف سبب أنو ما يذكر ...أنا قلت شي أنو ما يذكر !!!
سبق و قلت بردي السابق
اقتباس:
|
وقت بنوه أنو لازم نشير للموضوع أنو منقول ..بكون الهدف التوضيح أنو هالموضوع مانو نتاج شخصي ...و أنما هو لشخص آخر ...و ما بكون الهدف أبدا ( برأيي على الأقل ) الحفاظ على حقوق الكاتب الأصلي ...لأنو ما بتخيل أنو انهدرت حقوقو اذا نقلنا الموضوع ( إلا اذا كان عم يسترزق من ورا هالمقالة يعني )
|
يا ريت ما نضل نقول و نعيد
اقتباس:
|
عندما تعطي مالك الحق الفكري أو صاحب التأليف حقه مهما كان صغيرا فأنت تشجعه على الإستمرار يا سيد... يا ابو الصين.
|
ههههههههه ..أبو صين ؟؟
(ولا تنابذو بالألقاب )  ..ما مشان شي يعني..بس أنو .....
طيب ...رح حاول وضحلك فكرتي أكتر
عم تقلي أنو أعطي صاحب الحق الفكري حقه !!!
أنو هالحق هاد مادي شي ..؟؟؟ ..هل هو فلوس يعني ؟؟؟
في حال كان هالحق مادي .... شو منعمل مثلاً مع نزار قباني ( الزلمي توفى متل ما بتعرف ) ..أنو بروح بدفع مصاري للورثة الشرعيين ؟؟ 
كمان الورثة صارو أصحاب حقوق ملكية فكرية ؟؟ ....بشرفك هاد منطق !!!! ( يمكن يكون منطق ..بس عاد رأسمالي شوي )
اذا كان هالحق هاد مانو مادي ...معنوي يعني ... طيب شو هي الضوابط ؟
انو اذا انا بدي غني قصيدة لنزار قباني ..بقول أنو هي كلمات نزار قباني و بس ؟
هيك بيمشي الحال ؟؟ ...اي اذا هيك انا ماني ضدك ...بضل قول للصبح أنو هاي لنزار ...بس يعني أنو برأيك هيك شو بكون اجا لنزار ؟؟ (ما الزلمي عطاك عمرو ) ... و مع ذلك يا سيدي ماني ضدك... الزلمي ما رح يستفيد شي ..بس رح قول أنو هي كلمات نزار ..ما مشان شي ..بس لأنو هي كلمات نزار ( يعني مو كلمات حدا تاني ) .
اقتباس:
|
أما إذا جئنا لموضوع الأخلاق فهذه سرقة. هل تحب السرقة؟ هل تحب أن تسرق جهود الناس؟ سواء على صعيد البرامج أو التأليف أو أي شيء؟
|
آها ...الأخلاق !!!
أنا بدي اسألك ....نسخة الويندوز ع جهازك مرخصة ؟؟
شي مرة حضرت فيلم نسخة مانا اوريجينال ؟؟
وقت بتنزل ع السوق لتشتري بنطلون ..بتسأل صاحب المحل اذا هالموديل ملطوش أولاء ..واذا كان ملطوش من ( فيرزاتشي مثلاً ) هيك بتنتفض ...و بتزت البنطلون و بتدور ع شي غيرو ؟؟
صار معك شي مرة انك نزلت ebook من الانترنت و بعد ما قريتو وجعك ضميرك كتير ..لأنو النسخة مانها كوبيرايت ؟؟
بالنهاية يعني ..أنت بتعتبر حالك أخلاقي أكتر مني مثلاً ...أو بلا أكتر مني ...أنت بتعتبر أنو عندك أخلاق أكتر من ( العامة ) !!!!
اقتباس:
|
على كلامك اذا جاء لعندك عالبيت أحدهم في زيارة وشاف خاتم على الطاولة وأخذه فلا يحق له أن تطالب بقيمته.. يكفي أن يقول (هذا الخاتم مأخوذ) لكنه ليس مضطر أن يقول أن هذا الخاتم للسيد هشت نشت وليس مضطرا أن يسألك قبل أن يأخذ الخاتم.. وممكن يقول لك (بلط البحر)... وأنت يجب أن تسكت.. على مبدأ الصين ودو شرق آسيا... ولا شو؟
|
أنا بشكل عام بعتبر اسلوب الأمثال بطرح الأفكار هو اسلوب ينطلي على المغفلين ..لأنو الأمثال بعتمد مبدأ ( انت تجلس على الكرسي..الكرسي على الأرض ..اذا انت تجلس على الأرض ) ..و عادة اللجوء للمثل لاثبات فكرة أو نظرية يكون عند صعوبة او استحالة اثباتها مباشرة ( كل الأمثال يعني ..من أمثال المسيح وصولاً لمثلك السابق )
وقت بتعطيني مثل عن خاتم ...!!! الخاتم الو قيمة نقدية واضحة ...جوهرية ..فينك تبيع الخاتم ب 5000 ليرة مثلاً ...و بالتالي وقت بتسرق من عندي خاتم بتكون سرقت مني 5000 ليرة ..و هاي سرقة مباشرة ..بحكم كون الخاتم ملكي ( و انا أصلاً دافع حقو ) و بالتالي بكون أنا خسرت 5000 و انت ربحت ع كتافي 5000 .
بالنسبة للنتاج الفكري الموضوع مختلف كلياً ولا يمكن تحويلو و اعادة تحويلو الى قيمة مادية (الا بالمعادلات الرأسمالية ) .
نعم أنا ماني مضطر اسأل كل صاحب نتاج فكري اذا بوافق أو لاء قبل ما استخدم نتاجو الفكري ...لأنو بمجرد خروج هالناتج للنور بيصير جزء من الحضارة الانسانية ..و بصير ملك للانسانية ...انا هلأ عم استخدم لغة هي نتاج فكري لاشخاص ما منعرف مين هني ..و انا متأكد أنو ولا واحد منن زعلان ليش عم نستخدم هاللغة ( علما انو هاللغة كنتاج فكري أهم بكتير و بالمطلق من اي نتاج فكري اجا بعدا ) .
و وضع القيود على ( الانسانية ) لاستخدام نتاج ( الانسان ) الفكري هو العمل اللاأخلاقي ( برأيي على الأقل ) و ليس العكس .
على كل حال ..و بالنهاية يعني ..أنا ماني عم أكتب لأقنعك بوجهة نظري ... و لا بهمني تكون بصفي ...بالنهاية انت حر .... خياراتك بالحياة ملكك .... و فينك تعيش بالطريقة اللي بتخلي ضميرك فيها مرتاح .... بدون ما تكون مضطر تعمم نظرتك و اسلوبك عالاخرين
و تحياتي 
J.S: Death is the solution to all problems. No man = No problem.
|