[AssissA]

كاتب النص الأصلي : Robben

مع احترامي الشديد للشباب ، وما حدا يزعل ، بس مين هاد فريق شيلسي انتوا ايمتا سمعتوا عنوا وصرتوا تحبوا ، بس من 3 مواسم لما ابراموفيتش ( زلمة ديمتري عراب المافيا بروسيا ) اشترى النادي وصار يكب فلوس ويشترى لاعبين ومدربين بالهبل ، خلينا نسترجع السنتين الماضيين أول شي جاب المدرب الإيطالي ( رانيرى ) واشترى المهاجم الهولندي هاسلبانك و موتو الروماني وهرنان كرسبوا وغالاس وواين بريدج والحارس كوديتشيني والمدافع الهولندي ( نسيت أسمه أبو شعر طويل أسود ) ويمكن في غيرهم ناسينهم الحين ، وعشان ما جبلوا أي لقب في السنة نفسها ، فنش المدرب وجاب مورينهو وعمل فريق جديد ما ألو لا أصل ولا فصل , وبلش يشترى بالاعبين جاب بيتر شيك الحارس وكرفاليو وفريرا المدافعين ولمبارد وجو كول وداميانداف وروبن ودروغبا واسيان وميكاللي وتياغو منديز وغودينسون ودل هورنو وشون رايت فيلبس ، يعني عنجد وبصراحة شو هالنادي يلي ببيع بالعشرة لاعبين وبيشترى بالعشرة وبأي سعر طبعاً بدوا يصير نادي كويس غصبن عن الجميع ، بس لما وصل للحظة الحقيقة وبيلعب الفريق مع فريق أصيل وعريق ومبنى على قواعد وأصول مثل برشلونة بعرفوا قيمتوا وبيبعتلوا مسج هيك ( حبيبي الفلوس ما بتعمل لعب حلو وممتع ونتيجة ، بس بتجبلك لقب إذا بدك ) وتحياتي .

ملاحظة : أنا لاحظت أنوا دايماً برشلونة العدو الأول لكتير فرق هاد شي يسعدني .

لأ طبعا بدنا نزعل لأني كلامك مو صح أبدا بعدين اللي حكيته انه برشلون العدو الأول فكلامك غلط 100 % العدو الأول صاير تشيلسي لكثرة لحاقدين على هالنادي الكبير
بعدين لامبارد و جو كول و كريسبو موجودين قبل مورينهو يا فهيم بس كريسبو كان في اعارة للميلان

بعدين بتقلي متى صرتوا تشجعوه؟؟ من أيام زولا و لاودروب و فلو و هاسبلانك و المدرب رود خولت و و و و لبكره بعدين لو ما بعرف قيمة النادي اللي بعتبره أهم من برشلونة رغم خسارته ما كنت عملتله رابطة كاملة
بس شكلك متل اي غيور و حسود من هالنادي اللي من حقه يعمل اللي بده اياه احسن ما يكون بخيل متل بقية الأندية
على كل شكرا لمشاركتك و يا ريت ما تضايق من كلامي