انا قريت الموضوع من اولو لآخرو .. ومافي جملة لفتت انتباهي قد هي .اللي مقتبستها ..
هلأ انا بدي وضح وجهة نظري بهالشغلة ... وبدي اعطي مثال صغير ...
اقتباس:
|
ياعمي شعبنا تربا على الفساد والرشوة والسرقة مشان هيك كون انت واثق انو اذا راح لح يجي واحد اسوا منو فخلينا نبوس ايدينا وش وافا
|
انو من بعد اذنك ... بس واذا يعني ؟!؟؟
ما هو اولاً تربّى وتعلم هالشغلات من فساد وسرقة وغيرها نتيجة للظلم اللي عايشو ... لانو الشعب بدو يعييييييييش ، العالم بدها تاكل وما معها حق رغيف الخبز لتجيبو ..
اي شو بيعمل الواحد بحالو ؟!؟ يروح يشحد !؟ مالو غير هالطرق الملتوية لحتى يدبّر حالو ..
ولو انو برأيي كمان هالوسيلة هيي نوع من الشحادة بس ع " موديرن " ...
الشغلة التانية .. انو ليش نكون على ثقة انو رح يجي اسوأ منو ؟! وبركي اللي اجى طلع ابن حلال !؟
يعني بيقولو اذا خليت خربت .. ومالي شايفة سوريا خليت من العالم المنيحة ابدا !! ..
اي معناها كل واحد من هدول الاشخاص " المناح " مؤهل ليحل محلّو ... وبالعكس ، لانو بيكون عاش المعاناة بحكم انو واحد من الشعب المعتّر .. معناها هو اقرب لفهم الناس واحتياجاتها وطموحاتها .. وعرفان تمام شو بدو يعمل بالبلد لحتى يطورها ومن وين بدّو يبلّش ويرتّب اولوياتو بالبناء والنهوض بالدولة بناء ع اولويات الشعب ...
هلأ كمان من جملتك ( تربّى عالفساد ..... الخ ) ، مدري ليش خطر ببالي مثال اميركا ...
انو اميركا شو كانت بالاصل ؟؟؟ مو كانت بلد الحرامية والنصابين ؟؟ مو كان كل دولة بدها تخلص من رعاياها الفاسدين تهجّرهم لهنيك ؟!؟؟
يعني دولة نشأت من اساس غلط .. كيف وصلت لهالمراتب هلأ ؟؟ كيف تعمّرت وتطوّرت !؟
فهمت عليي ؟!؟
وبرأيي سوريا مو اقل منها ، بالعكس تماماً ... عالاقل عالاقل نحنا - السوريين - اساسنا صح، ومعدنّـا اصيل بس صار فيه شوية " تنحّي " - عند البعض - عن الصفات الاصلية الموجودة فيه.. نتيجة لما سبق الحديث عنه
ولهيك بقلك .. انو كل المطلوب هو تسلّــُم الناس اللي عندها ضمير لزمام الامور بالبلد .. بدءاً من الراس الكبيرة وانت نازل ..
~*¤ô§ô¤*~ No Pain ... No Gain ~*¤ô§ô¤*~
المقاومة مخاطبة الحكّام العرب : لعن الله أناس مثلكم ، فقد أردت لكم الحياة فأردتم لي الموت ...
نسيَ الطينُ ساعةً أنــّه طينُُ ُ حقيــرُ ُ ... فـصالَ تيهاً وعربـــَد ...