اقتباس:
كاتب النص الأصلي : TheLight
هاهاااا....بما انو فردتي شعراتك الحلوين وعملتي ركوة قهوة سادة و رفعتي الكلفة (استاذ منطقي..شطور..الخ)...علما اني ماني ابن دورتك ويمكن يكون بيني وبينك كذا سنة فرق عمر...وبما انك من (الحريم يللي بيحبو طق الحنك) فما في مانع...بس خليكي اذا بتريدي ضمن حدود الادب ولاترفعي الكلفة...لاني ماني رفيقك بالجامعة....
احسن من قشط الكلام شروي غروي ع نسق صالونات الحلاقة وشغل سمعتي شو قالت فلانة وشو قالت علانة...
اما بخصوص موضوع ثقافتي ودقتي فهاد الشي ما كتير مختلف عليه...بيبقى عليكي تسألي العالم يللي بيعرفوني...لتتعرفي....
اما من وين جبت فياريت تقري المقالة يللي لزقتي رابطها ادناه...واكيد بدون ما تقري الكلام الموجود فيها لان حسب مقالتك فوزير النفط اليمني هو يللي قال بتاريخ 18 اب 2009 ان انتاج بلده نزل لل 287 الف برميل يوميا (مقارنة مع 300 الف يوميا في العام السابق)...يعني اقل من الرقم يللي انا عطيته (400 الف) ويللي قلت انو هو كان اعلى انتاج للنفط من سنة 1986.....
يعني الحمد لله لا طلعتي قارية ردي مظبوط ولا قريت المقالة يللي لزقتي رابطها تحت...
الرد موجود فوق...
سبق وقلت باول رد الي بالموضوع مايلي
انتقادي كان لاسلوبك بطرح الموضوع مو بالحديث عن ظاهرة القات..
وانا ما غيرت الموضوع..انتي يللي اتحفتينا بمعلومتك (الفاضية) انو اليمن بلد غني نفطيا وقارنتيه بالخليج وانا فندتلك وجهة نظرك بالارقام....وكمان ما عجبك..
-
ردي كان جدا واضح....انتي قلتي ان القات سبب التخلف وكـأنه السبب الوحيد وبعتقد كان ردي واضح انو في اسباب اخرى....
اضافة...انا لم اناقش ظاهرة القات ولا دافعت عنها...انا دافعت بالمجمل...عن..
1- ربط القات بالتخلف...واعتباره السبب الوحيد
2- رفضت اعتبار القات علامة للتخلف وقلتلك ان كبار المثقفين بيتعاطوه (وبالتالي لا يخرج عن اطاره كعادة وموروث شعبي متله متل الاركيلة)
3- رفضت اسلوب الساخر الاستهزائي...ونوعية الصور الموضوع...حتى عنوان الموضوع بحد ذاته استهزائي...
ارفع القبعة في النهاية لقدراتك الحوارية وبراعتك بنسخ وربط الروابط بدون قراءة...ورفع الكلفة....مع عالم مو انتي يللي بتحكمي مستواهم الثقافي...
سعيدة خيتو...وكل موضوع وانتي بخير...
عوفت...  |
اقتباس:
كاتب النص الأصلي : TheLight
اول شي انا مشرف متقاعد ورأيي يعبر عني ولا يعبر عن اي شخص تانية باخوية...لا ادارة ولا مشرفين
تانيا..بتخيل انو اخلاقي وادابي اعلى من انك تمسها...واذا كنت حابب تبيض وجهك قدام بعض الناس...فبتخيل انو فيك تروح ع مكان تاني مو هون...
تالتا..يللي بيدق الباب بيسمع الجواب...فلا تدقه احسن ما تنال نصيبك....
|
والله خوفتني
ياأمي
حبيبي العزيز
اولاً انا مو بحاجة لبيض وجه لحدا
لأنو والحمد لله انا وجهي أبيض من يوم يومو
وبعدين هات لنشوف شو رح يطلع معك عمي
انا بدي اسمع هي الجوابات تبعك