[صياد الطيور]

أنا برأيي العمليات الي بتصير بأسم الدين هي غطاء ( جيد ) لبعض الجماعات
وفي كتير ناس بتقول أنو الغاية تبرر الوسيلة !!
المشكلة الي بتصير أنو المجتمع بيوقف بصف هيك مجموعات ببعض الأحيان ..
يعني .. كمان الناس مو كتير بعاد عن الموضوع


بتلاقي بيقلك واحد منهم .. اذا بشوف واحد اسرائيلي بقتلو ... طيب ليش بدك تقتلو وهو ما عملك شي .. اقتل حكومتو بس موهو ...
وبرأيك شو دور أميركا بإذكاء الحروب الداخلية في الدول العربية ... وما حدا إلا ما بيعرف بتفاصيل العمليات الي صارت بالسعودية ومين كان عم يدعمها .. ولا الخلافات المسيحية الإسلامية الي عم تصير والي صارت بمصر ... ولا آخر العمليات ولا أول العمليات الي صارت بلبنان ... موضوع الصحراء العربية ... موضوع الخلاف الليبي المصري ... موضوع دارفور ... موضوع .. موضوع .. موضوع
وحتى بسوريا .. من قدم التاريخ ولهلأ ...

يعني الجماعات الي بتشتغل تحت اسم الديانات ( على مختلف اشكال الديانات ) ألها أهداف من وراها ..بتدعمها مجموعات كمان الها أهداف تانية .. وهيك بتلتقي المصالح ..

اذا بتدوري على الأشخاص الي عم يقوموا بعمليات انتحارية ... بتلاقي انهم اشخاص ملعوب بعقلهم تماماً ... ومشوشين على الآخر ... بتأثير كلام البعض فيهم ...
وما في دين بالعالم حلل قتل الأبرياء والأطفال والعزل ... شو الفائدة من هيك عمليات ؟؟؟؟؟

ما فيي قول انو أميركا مو ورا عملية 11 أيلول ... ولا شي بالعالم بيقنعني بهالشي ....
وما في شي بالعالم كلو .. ممكن يكون أذكى من موضوع ( أسامة بن لادن ) العميل الأول للمخابرات الأمريكية ..
الي هو هلق قاعد على ما أعتقد بجبال هامالايا .. وبين الحريم والخمر ... شوي تانية بيقولوا .. تعال عندك تصوير ..بيروح بيركب هالدقن .. وبيمسك البارودة ( أخمص طي سبطانة قصيرة ) وبيحطولوا بطانية ورا منو .. وبيبلش يحكي بأسم الأسلام وما شابه ...

أنا بشوف أنو شارون رجل عظيم بالنسبة للأسرائيلين ... تحدى كل العرب .. كل العالم من شان شعبو .. وبالنهاية حقق الي بدو ياه .. رجل بيدافع عن شعبو عن مبادئو ...

وشي أكيد لا أميركا ولا اسرائيل ... ولا حتى ( السند القوي القديم ) روسيا .... وما بتطعمي شي ألا لتاخد بدالو أشيا .. ومتل ما بيقول المثل ..بطعميك التسعة حتى آكل العشرة ..

في كتير أمو واضحة وبسيطة .... بس منبقى شعب مسير ..حتى أفكارنا مسيرة ...


وشكراً ألك وايت روز على مواضيعك المميزة وعلى طرحك لهل الموضوع