[صياد الطيور]

أنا بدي علق ع الموضوع و بالتحديد الشي اللي قالو صياد الطيور

على راسي وعيني ومشكور على نقاشك

سناء محيدلي كانت مشوشة شي ؟؟ حدا لعب بعقلا ؟؟

أنا ما عم أحكي عن الشهيدة سناء محيدلي و شبيهاتها .. لأ
أنا عم أحكي عن الناس الي م تعمل عمليات ( انتحارية ) بدون تحقيق هدف نبيل من وراها

بعدين ليش عم تفصل (الابرياء ) - ( الاطفال ) - ( العزل ) ليش شو الاطفال غير الابرياء ...ولا مانهن عزل ؟؟

لنساء مو أبرياء .. الرجال الي ما ألهم علاقة لا بالسياسة ولا بالجيوش مانهم ابرياء
كبار العمر مو ابرياء ...
العزل الي هنن حتى العسكر والمسؤولين .. وقت بيكونوا غير مسلحين ... بيكونوا عزل
والقتال الشريف بيرفض انك تقتل غريمك غدر او هو اعزل وانت مسلح
ولا تقلي هنن عم يعملوا فينا هيك .. أنا المفروض فرق حالي عن الفعل وردة الفعل

عندي الشي اللي اسمو ( إيمان ) + الشي اللي اسمو ( ثقة ) + الشي اللي اسمو ( انتماء ) بصير كتير سهل اني اقتنع بفتو او مرجع بدون ما شغل مخي كتير

هادا هو ((بتلاقي انهم اشخاص ملعوب بعقلهم تماماً ... ومشوشين على الآخر ... بتأثير كلام البعض فيهم ))

طيب أنا ما بدي اقنعك...بس بتقدر انت تقنعني ؟؟
مين هو أسامة بن لادن ؟؟

منرجع لبايات أسامة بن لادن
الي كان حليف ايركا الاستراتيجي والي كان ينفذلها مخططها بالمنطقة بمحاربة الروس السوفييت
وكان تسليحوا ودعموا كلو اميركي
وبعدها .. انقلب من الحليف للعدو رقم واحد بالنسبة للأميركان والي خلوا العالم كلها تحسب حسابو حتى تفجيرات 11 أيلول والي ما قنعت أي جهاز مخابراتي بالعالم لزقوها فيه و عملوا بداية مرحل جديدة للعالم وبلشوا بعدها بمحاربة الإرهاب و هاجموا افغانستان و جربوا فيها كل أنواع الأسلحة بحثاً عن بن لادن ... وين بن لادن ... بح ما لقوه ...
وين القواعد الأميركية ..بقيت بالمنطقة
بعدها أجا دور العراق .. وكمان جربوا فيها كل أنواع الأسلحة ... وطلع مندوب عن بن لادن وعمل العجايب بالعراق .. وما كانوا يعرفوا يمسكوه
كل القدرات الأمريكية والمخابراتية الي عندها والتقنيات ما قدروا يمسكوا بن لادن ولا الزرقاوي مع انهم مسكوا صدام وكل القياجة العراقية القديمة .؟؟؟
ليش ... حتى تستمر اللعبة
وكمان بقي الجيش الأميركي بالعارق والمنطقة ... ( وهادا الي بدهم ياه )

بالنسبة لهالناس بن لادن بطل و شيخ و زعيم و مناضل

منرجع للكلام الأول ( نا س مشوشين وملعوب بعقلهم )

النهاية ...الشي الأكيد أنو في صحوة اسلامية ....هالصحوة مانا صحوة منظمة بشكل عام
في نوع من الشعور العارم عند المسلمين بالاضطهاد ...و الحرمان ....و التخلف .....و في شعار كبير قالو حسن البنا من اكتر من نصف قرن بلش هلأ ياخد صدى قوي ( الإسلام هو الحل )

مزبوط ...بس متأخرين كتير ...
وهالشي واضح بالنسبة للسياسات العربية .. وحتى بالنسبة لحزب البعث الحزب العلماني الي صار يرجع للإسلام بأنو الحل الوحيد للخلاص من الوضع الحال
وهالشي كان واضح من سياسات سوريا والسيد الرئيس بالفترة الماضية

من جهة تانية ...صار بالفعل من الصعب التمييز بين اذا كانت الحرب اللي عم يخوضا الغرب هي حرب على ( الارهاب ) أم حرب على ( الاسلام )

أنا برأيي لا هي ولا هي
أنا برأيي أنها حرب منظمة لتنفيذ وتطبيق أجنضة أمريكية لمحاربة الدول والرؤوساء الي ما بيمشوا متل ما بدها
اذا منشوف ... حاربوا افغانستان وما طلع بن لادن
هاجموا العراق مشان الأسلحة النووية .. مع انو العراق سمحلهم بالتفتيش آخرشي ..بس مع هيك هاجموا العراق ولا طلع في لا أسلحة ولا شي
ومارسوا كل الضغوط على سوريا بس ما في سبب مقنع ولا غطاء دولي لمهاجمتنا
وهلأ ملتهيين بإيران .. ولو ما بيعرفوا انو ايران صارت بتمتلك النووي وخوفاً على مصالحم بالمنطقة وبإسرائيل كانوا هاجموها من زمان
وحتى تشيلي وفانزويلا ... من الدول الي رح تحاربها اميركا بإحدى الطرق .. لأنها بتتخالف معها سياسياً

نا شخصيا بتوقع أنو حالة هالحرب رح تمتد على طول القرن الحادي و العشرين
بالنهاية نحنا ما طالع بايدنا شي الا انو نحضر هالفيلم ....و اذا اجانا نصيب احتما نقدر نمثل في ....مع انو ما بتصور انو رح يطلعلنا بأحسن الأحوال دور أكبر من دور ( يمر )

انشاء الله لأ .. وأنا بتوقع لأ ... والله يستر

وبالنهاية أنا عم أحكي من وجهة نظر شخصية تماما ... قابلة لأنها تكون صح أو غلط ...