اقتباس:
كاتب النص الأصلي : zeenaa
هلا بس للمعلومات نحنا اللي بصير عنا مو انتخابات اللي بصير اسمو استفتاء يعني لوإني النسبة طلعت اقل من حد معين "اللي انا مو متأكدة منه فمارح حطوا" ساعتها بينفتح باب الترشيح وبكون وقتها مجلس الشعب مسؤول عن ترشيح حدا تاني
|
طيب ليش ما بصير عنا انتخابات متل باقي البشر؟؟
ما المصيبة انو النسبة ما عم تنزل عن 99 بالمية
اقتباس:
كاتب النص الأصلي : zeenaa
بس في سؤالين اذا كان في ناس ماعاجبتها سياسات رئيسنا ليش ماحطت لأ بالاستفتاء
|
فعلا سؤال حلو, ليش صحي ما حدا بيصوت لاء؟؟
يا ريت حدا من الشباب يكون عندو فكرة ليش؟؟ وبيربح معنا اقامة لمدة شهرين في قبو فندق فرع فلسطين اكل شارب نايم ببلاش مع فرصة يومية لمشاهدة فيلم نجوم الضهر
اقتباس:
كاتب النص الأصلي : zeenaa
بعدين الصراحة انا مو شايفة المشكلة من القيادات المشكلة شعبنا هو اللي تعود هيك يعني اذا الرئيس قال بدو يحارب الرشوة والمحسوبيات وكل واحد بدو يطالع هوية بيدفع بس مشان مايوقف عالدور
|
طيب مشان الله اذا الوضع هيك والرئيس طلعت روحو مع هالشعب الجدبة , اخي ليش ملزق بالحكم؟؟ ليش قبل يورث السلطة من ابو؟؟ يا اخي يستقيل ويترك هالشعب الجاهل لمصيرو
اقتباس:
كاتب النص الأصلي : zeenaa
اذا بدنا البلد نطيفة ونحنا عمنكب زبالتنا من البلاكين
|
هلق ما عد عنا بهالبلد مشكلة خطيرة الا مشكلة الزبالة
اقتباس:
كاتب النص الأصلي : zeenaa
هي صدام راح واستلمت اميركا العراق هلا بر ايكون صار العراقي الو قيمة وصار العراق ديمقراطي
|
ما العراقي لانو من ايام صدام ما كان الو قيمة مشان هيك بين يوم وليلة ما رح يصير الو قيمة
اقتباس:
كاتب النص الأصلي : zeenaa
بكفي اني رئيسنا محافظ على كرامتنا بين الناس ولو قالوا سوريا متخلفة ودكتاتورية المهم اني ماحدا في يقول سوريا بلا كرامة
|
كفو والله
المواطن اللي بينشحط على فرع الامن و بطيرو رجلي بالهوا على بساط الريح هدا اكتر واحد بحس بالكرامة
المواطن الطفران اللي راتبو ما بيكفي لعشرة الشهر هدا رح يطق من الكرامة
الطالب الجامعي اللي بيتخرج ليلاقي بانتظاروا يا اما وظيفة ال 10 الاف بالشهر يا اما الهجرة , هدا عم يغني كل يوم انا سوري اه يا نيالي
الجامعي اللي بيشحطوا على الجيش ليمسحوا الارض بكرامتو , هدا كمان من ضحايا الكرامة اللي محافظلنا عليها سيادة الرئيس
بقى ما بدك ليكون بالاول عنا كرامة لحتى حدا يحافظ عليها