اقتباس:
كاتب النص الأصلي : وردة حماة
ايه والله والمشكلة كمان هدا المنتدى سوري يعني اي واحد بيدخل عليه على أساس يكون سوري مية بالمية فرقا ومذاهب واعتقادات وديانات..
مدري هالناس هون بتحس انو كتير منون علمانيين. وما بصدقو يلاقو موضوع بيحكي ولو طرف شعرة عن الدين والحياة الآخرة الا بردو عليه حكي طالع نازل.
اللي ما بيعرف شي عن سوريا وبيدخل عالمنتدى هاد ليلقي نظرة على الشعب السوري راح ينصدم.بس يشوف هيك ردود متل اللي بهالموضوع.
مو لازم يكون في عالأقل شوية توازن.ولا بعدين راح تتشوه صورة بلدنا الحبيب بسببون.
|
والله يا أوختي شرشحونا ...الله يمنترهن إلهي , سودو وجهنا , و نكسو عقالنا , و خلو سيرتنا ع لسان اللي بيسوى و اللي ما بيسوى
تخيلي هديك المرة فايتين أخوة أشقاء من المملكة . انصدموا و الله , أخدو عننا فكرة كتير سيئة و الله , و تشوهت صورتنا قدامهن عالاخر . بس كيف بدي قلك , هلأ نحنا معولين عليكي بهالموضوع , الشباب(س) و الصبايا(ز) جوا ترى مستنايينك ، -في كذا حدن سألني انو وينها وردة حماة ، وانا قلتلون هلق بس عم تقضي مشوار صغير و راجعة .. فما اتّطوّلي ترى ليكي في واحد طوّل قام رجع ما لقى حدى !!..(عم قلك انا منشان ما تجي تقولي بعدين وين الشباب وما بعرف شو ، هاي خبّرتك و حطيتك بالصورة كلها .. و صارت الكرة بملعبك..الكرة والحارس والحكم و الجمهور.. اي لك حتى الجمهور صار بملعبك ، عشوي في تنين قاعدين عالبلكوني هديك رح يدبو حالون ينزلو ب ملعبك .. اي اي ..- بتصير عادي يعني! ليش مستغربي من هدول التنين و ما مستغربي انو الجمهور والحكم بملعبك ! عادي حبيب كلو عادي .. ما تستغربي ولا يكون على بالك .. عادي كتير واقل من عادي .. وانا كذا مرة صايرة معي و سمعان عن كذا واحد صايرة معو هاي الشغلي .. (نفسها هاي بتصير مع كتير ناس ، واذا بدك بتصير مع اكتر الناس ..بس هني جوانيين و كتومين هيك ما بيحبو يحكو عن هاي الشغلي .. ) -
.. معلم كلو بملعبك صار .. هلق .. هاللحظات .. وفي هذه الأثناء .. مدير النادي بيدخل على ملعبك .. اي والله ... -وجايب مرتو التانيي و ابنو الصغير بالحفوضة و امو ماسكي النونية .. بعدو عم بيدحبي الله يكون بعونو ..-المحافظ ، المحــــــــافظ شخصي ناتع كرشو . (كل كرشو ما تراك ولا شقفي!) ونزل بهال الأثناء على ملعبك .. البترك !.. البترك مشنغل مفتي الديار بضهر أمين الشرطة ونازلين على ملعبك... رئيس الفرع .. -الفرع هداك الي بتعدي نيحو لمن بتواعد صاحبتك وبتبقى بس بدك تظمت- .. شخصيا .. صار بملعبك ..الوزيـــــــــــر .. الوزيـــــر.. معو شغلي كبيري ... شغلي كبيرة وتقيلي كتيييييير.. اوف .. الوزير بذاتو .. ناتع دماغــــو وجاي على ملعبك .. لعمش .. (هاي سابقا فريدي من نوعا ..-لك انو جاي مو انو دماغو ناتعا او انو كبيري..شبنا يوووه ).. ..سيارات مفيمي.. جيبات ، رانجات ، شبحات ، اوف.. شبيّحة .. لعمش .. في في حدن تخين بهال الأثناء يبدو نازل على ملعبك كمان و كمان .. اوف .. سيارة اسود X اسود خافسي كتير.. على الأرض ولا شحطة .. يبدو انو كتـــــير تخين هذا الي جوا ... شخصية تخيني من المقاس التخين بتتقدم هلق نحو ملعبك .. ايوا .. .. يا ساتر يا رب ..
بهال الأثناء انت بتسلحبي من الملعب و بتقرري تنتحري !! .. ما رح احرقلك التاريخ .. خليكي تكتشفي الأحداث لوحدك (و لحالك و تتعلمي تعتمدي ع حالك بإكتشاف وصنع الأحداث)،بس انو كهينت معلم ، بتزكر هدوليك التنين الي كان رح بيدبو حالون عن البلكون(اي ما دبو حالون ضلو عم بيتفرجو عليكي من فوق) اي هدول شافوك ترى عم بتحاولي تنتحري .. اي .. ف.......
.. يا سيدي انت تسالي.. والله لنكيّف يا وردة حماة
J.S: Death is the solution to all problems. No man = No problem.