اقتباس:
كاتب النص الأصلي : Urhoy
ما هون حطنا الجمّال...
خلينا بمثال بلدنا يلّي يُستخدَم فيه كِلا نموذجيّ الغضب الجماعي يلي حكيت عنّن...
شيت أنو في ناس استفاقت من هالتنويم المغناطيسي، أي في ناس فايقة وفي ناس ما تنوّمت بالأصل... بس السؤال هوّي مين لازم يكونوا هالناس لحتّى يقدروا يفيّقوا باقي الأفراد نحو الحقيقة؟
الأمثلة كتيرة عن الناس المغسولة أدمغتن وما ناويين يفيقوا، ما بحكيلك فقط عن يلي بياخدو معلوماتن من الفضائية المصونة والقنوات الإخبارية... لا ... عم نشوف هون كمان -بالأخويّة- على سبيل المثال ناس بتكون الحقيقة مقشرة ومقدمة ألن على طبق من فضّة، وكل يوم فيهن يشوفوا حقيقة جديدة بهالنت وبالكتب وبكل وسائل الميديا وعلى أرض الواقع "باستخدام العقل والتفكير السليم"، كل يوم بينسدل ستار جديد وتبان عيوب "الموجّه" ومع ذلك مافي أمل... مافي أمل.
أخي هدول يلي بيوجّهو الناس للغضب الجماعي ولنظرية المؤامرة -وكل اساليب التحكّم بعقول الشعب- عرفوا كيف يبرمجو عقول الناس بحيث ما يصدقوا حدا غيرن بنوب.
الحل البطيء نتائجو أفضل لمستقبل الشعوب... لكن عنّا هالحل بطيء جداً جزيلاً...
ويسعدلي صباحك يا ابن الفرات البارّ...
سلامتك وسلامتنا وسلامة الكلّ من الغضب بكل أنواعو
|
أي أنا معك..معك تماما ابن العم العزيز
المشكلة انو تعا من الباب الطاقة خليه يكب عالزبالة مشاعر تربّى عليها, يمكن شعورو الوحيد بالأمان جاي من انو مصدّق (أو بالأحرى, مجبر حالو على انو يصدّق) انو الجماعة هدول صحيح كيت و كيت و كيت .. بس عالقليلة واقفين بوجه الطغيان العالمي الغاشم و رافعيلنا راسنا (
..). فمانو شي سهل بنوب انو تقنعو يتخلى عن هالأمان الوحيد (و لو كان أمان كاذب) كرمال الحصول على أمان حقيقي.. أخي مابدو هالمجازفة كلا ع بعضا.. طلاع من راسو...
للأسف هاد اللي عم يصير, و لكن مسألة وقت هاي مش أكتر, أنا هيك بعتقد... لأنو من الواضح انو التصعيد مفيد للطرفين (من ناحية انو النظام السوري بالعهد الجديد بحياتو ما كان أقوى من هيك, و كلو بفضل الاستخدام الجهنمي لكل وسائل التشويش النفسي اللي نقدر نعطي دروس فيها للعالم أجمع), و بنفس الوقت اللي عم يهدد الو مصلحة كبيرة كمان...
لكن يا ترى لأيمت يمكن المحافظة على هالتوتر؟ و خصوصي في ظل الظروف العالمية الحالية, و ظروف المنطقة بشكل خاص؟
هون يبقى الأمل...