اقتباس:
كاتب النص الأصلي : sona78
نتيجة ام سبب .. صراحة ما بعرف .. بس بتوقع انو هيدي الوسائل ( زرع الغضب او الخوف) ما ناجحة مع كل الشعوب وانما فقط مع الشعوب يلي عندها بالاساس تلبد ذهني نتيجة سياسات او اعتقادات ما .. يعني ما بلاقي هيدي الساسية نجحت حتى الان باوروبا بالشكل يلي نجحت فيه بامريكا او الدول العربية
عنا وعند الشعب الامريكي في سهولة كبيرة بدفع الشعب لناحية معينة ( وغالبا تستخدم الحالة الدينية ) وهيدا نابع من عدم استخدام هيدي الشعوب للتفكير العقلي البحت( مع التاكيد على وجود استثناءات ) بس بين الشعب الاوروبي ما اخدت هيدي الحالة بعد شعبي كبير ..ما بعرف اذا وضحت شو القصد ....
|
أي أي وضحت...
وجود "تبلّد ذهني" بالأساس بعتقد كمان متعوب عليه, أو على الأقل في عامل ملعوب على وترو.. مثلا عندنا و عند الأميركان مزبوط في عامل الجهل و التطرف الديني, يجوز هالعوامل مانا موجودة بغير دول, بهالوقت هاد.
يجب التوضيح انو بعتقد انو العوامل هاي هيي ظرفية بحتة و ليست ناتجة عن تخلف فطري أو أساسي, يعني مثلا بتلاقي انو من 70 سنة (اللي هي مدة تاريخي قصيرة جدا بالنسبة للتطور الانساني) شخص مجنون اسمو هتلر قدر يلعب بعقل نص أوربا... لأنو كانت في ظروف هزيمة و انكسار عرف يلعب عليها بشكل ممتاز...
هلأ لو يرجع هتلر بالأيام هاي, ما حدا يسمعو و لا حدا يعبرو...
هل الألماني اليوم أذكى من الألماني من سبعين سنة؟ انا بعتقد انو لأ, بس الألماني من سبعين سنة كان مكسور و مهزوم و مطعون بكرامتو, و حالتو النفسية تتطلّب اللعب على وتر, هتلر عرف يلعب عليه معزوفة تجارية جدا... و صار اللي صار
و هكذا...
شكرا للمتابعة
