[i m sam]

كاتب النص الأصلي : Urhoy

ما هون حطنا الجمّال...
خلينا بمثال بلدنا يلّي يُستخدَم فيه كِلا نموذجيّ الغضب الجماعي يلي حكيت عنّن...
شيت أنو في ناس استفاقت من هالتنويم المغناطيسي، أي في ناس فايقة وفي ناس ما تنوّمت بالأصل... بس السؤال هوّي مين لازم يكونوا هالناس لحتّى يقدروا يفيّقوا باقي الأفراد نحو الحقيقة؟
الأمثلة كتيرة عن الناس المغسولة أدمغتن وما ناويين يفيقوا، ما بحكيلك فقط عن يلي بياخدو معلوماتن من الفضائية المصونة والقنوات الإخبارية... لا ... عم نشوف هون كمان -بالأخويّة- على سبيل المثال ناس بتكون الحقيقة مقشرة ومقدمة ألن على طبق من فضّة، وكل يوم فيهن يشوفوا حقيقة جديدة بهالنت وبالكتب وبكل وسائل الميديا وعلى أرض الواقع "باستخدام العقل والتفكير السليم"، كل يوم بينسدل ستار جديد وتبان عيوب "الموجّه" ومع ذلك مافي أمل... مافي أمل.
أخي هدول يلي بيوجّهو الناس للغضب الجماعي ولنظرية المؤامرة -وكل اساليب التحكّم بعقول الشعب- عرفوا كيف يبرمجو عقول الناس بحيث ما يصدقوا حدا غيرن بنوب.
الحل البطيء نتائجو أفضل لمستقبل الشعوب... لكن عنّا هالحل بطيء جداً جزيلاً...

بتعرف أحيانا بتمنى انو لو ضليت مغمض وماشي ماني فاهم شي
كان مخي مرتاح
هلق عم تشوف الخطأ وتعرف انو خطأ...بس ما عم تقدر تغير ما تقدر تقول انو غلط....بيدبحك انو بتعرف ومو قادر تقول....
متل ما قال ياسين مو سهل انو الانسان يتخلى عن أمان كان عايش فيه ليشوف عالم جديد ربما هو أأمن وأحسن لكن الدرب صعب باولو..
تحية للجميع ومتل ما قلتو التغيير البطيء ويبدا من تحت أفضل وأنا معو تماما..