ريجائن جدا جزيلا عدم تعميم التجارب الشخصية على الآخرين
اما بخصوص اهل الضيع فانه ريجائن عدم تلفيق الاكاذيب على لساني بحكي انا ماني حاكيه . عيب مشان صورة الادارة بنظر الاعضاء .
هاموش : ما بعرف ليش العالم بتتعجب ليش وضع الاخوية مزري بهلفترة وخصوصا المنبر
اقتباس:
مين متضحك عليي ؟! بتحب تجرّب هالشي ؟ قوم هلأ تعرّف عا مساعد بأي مخفر قلو هاي خمسين ألف و نوملي فلان عندك بالقسم أسبوع على زمة التحقيق و بعدين طلعو براءة , شوفو كيف بناما ؟
و حصل .
|
هديلي حالك مافي عنتريات هون
عنا بالمنبر فما بدا كل هلحمقة
يفترض انك تكون قاري المقال الاصلي على اقل تقدير
والله عيب اقعد فهمك تفاصيل الخبر بالمعلقة
بس كوننا بفترة اعياد واسبوع آلام حبينا نرجع لأصولنا المسيحية بركدا طلعت قصة المسيح مزبوطة وهيك منطرقه منية .. المهم
الاخبار بشكل عام بتحكي على :
إصابة 3 أشخاص بجروح في عملية سرقة بمنطقة الجلوم بحلب
مقتل عضو مجلس شعب سابق و زوجته في عملية سطو مسلح على منزلهما
مقتل صائغ و إصابة 4 مواطنين آخرين بينهم أطفال في عملية سطو مسلح
... الخ
يعني " اذا " بتلاحظ الاخبار اكبر من قصص القاء القبض على مهرب فتاش بليلة راس السنة ، او على انهاء اشتباك دموي والقاء القبض على x زلمة
ما بدا آنشتائن ليحلل واقع سوريا ويقلك انه في عمليات فساد وفي عمليات كيل بمكيالين وتلاتة واربعة .. بس ما بعتقد هلشي بيمشي بقصص من رتبة سرقة مسلحة او عمليات قتل .. لأن بالقصص هي في اخلال بأمن الدولة .. وحضرتك ادرى بوضع الجهاز الامني بالدولة اللي ما بيرضى تمر نملة عليه .
اقتباس:
|
بتحب أكتر من هيك , قوم ديـّن سين من الناس مليون ليرة و بيكتبلك الزلمي سندات بمليونين ليرة و أزا أنت زلمي أبن ستين زلمي حصلون , و إلك عليه كل يوم يمرق يسلم عليك ,
|
برجع بقلك مين متضحك عليك بهلقصص هي
على علمي بان والدي بشكل مباشر كان عنده حادثة مشابهة جدا ومن فترة اسبوعين تقريبا المصاري صارت بجيبتنا وهلق عما نفكر نشتريلنا سيارة .. فانه خيو ريجائن بلا تخبيص كتير وبلا حكي بلا طعمة .. ما عما احكي مشان صورتك .. مشان صورة الادارة .
اقتباس:
هع , هاي مشكلة آل بري و آل حميدة . ( مشان أوضحلك و ما تقول إحدى العشائر .) و المشكلة مانا بمشفى حلب الجامعي بغير مشفى . فعلا ً ألتمو شباب العيلتين و بعد تدخل سلطات عليا من الشام تصالحو على أساس و في حال رجع تكرر هالشي رح يصير شي كتير كبير . و بعد ما صارت المشكلة لحد الآن صار مقتول ست أشخاص من العيلتين . و ما أستفادت الشرطة من لمة الأشخاص لا القراب و لا البعاد , فا مشان موضوع الحكي المنطقي بظن مشكلة ما بتعرف عنا شي لا تحكي عنا لأني إلي معرفة شخصيّة بأشخاص هالعيلة و هالعيلة . و الدولة ساكتة و ساكتة و ساكتة . و التار ما زال قائم و التوعدات و التهديدات ما زالت قائمة بقا برضاي عليك ركــّز , و لا تقطف الكبة من راس الماعون .
|
انطلاقا من مصداقية معلوماتك الموضحة بالخبر كون الحادثة جارية بمشفى حلب الجامعي بعكس عما قلت ..بعتذر من التعليق على اخبار ما بعرف من فين جايبا حرصن على ضياع وقتي ال"س"مين .
مسلحون يطلقون النار على مواطن في حديقة مشفى عام ويقتلونه في وضح النهار
على زمن الانترنت ما عاد في " سمعت وقالولي ومتأكد من الحكي بس ما بعرف من وين"
عيني رب الارشيف الالكتروني شو انه اختراع عظم
اقتباس:
|
لا معلم بيجوز أنت طالب أو ما إلى زالك ما عندك هالخبرة أو يجوز ما أختلطت بسلك الدولة , بدك تقوم تنزل تعمل معاملات مثلا ً بالمواصلات أو بالبلدية بتشوف هالشي بعينك , أو مثلا ً قوم تعرف عا شي كم ضابط مرور بقلك أنا دفعت المبلغ الفلان لأجي عا حلب و يا عمي بحلب عندكون الرزق غير شكل , أما شو الرابط , فلما بيختفي الرادع بتكتر الجريمة , و لما بينشرا القانون و القضاء بالعملة حصرا ً بدا تكتر الجريمة , عرفت شو الرابط ؟!
|
والله انت من حلب اما انا من سنسكريتي فانت ادرى بالاوضاع .. مع العلم انه مصداقية المعلومة السابقة " صفر " يفترض تكون سامع بشي اسمه " نشر الاكاذيب " كون احد ارباب المنبر اللي هلق حضرتك مستلمه تم تلفيق التهمة هي عليه .. فانه شو متوقع يصير بشخص ما عارف الله وين حاطته وعما يحكي معلومات مصداقيتا معدومة
وقت بيستخدم مصطلح " رادع وجريمة " منكون عما نحكي على اساليب توعية وطرق تعليم شعبوية حديثا اطلق على لقب التعليم بالاسلوب هاد " بالهمجي " يعني مافي داعي خوزقلي كام واحد بساحة عامة حتى " ربّي " بقية العالم
وقت منحكي على القضاء والعملة منكون عما نحكي على الفساد اللي بتعاني منه البلد من عقدين على الاقل ومع هلشي هلق حتى ظهرت مشاكل النهب والسرقة المسلحة اللي بتترافق مع تعمد بالقتل .
وقت بصير سلسلة احداث من نفس النوع يفترض اننا نشوف آخر التطورات اللي صارت وآخر الاخطاء اللي صارت .. ما يفترض نشوف اخطاء الحرب العالمية التانية لنحدد فين المشكلة
آخر التغيرات كانت الغلاء المو طبيعي الصاير بالبلد وحالات الكساد بسوق العمل اللي ادت لفقدان كتير من العالم اعمالن ومصدر رزقن الامر اللي ادى لتزايد الجريمة ... الغلاء دائما ما بيترافق اما مع المظاهرات والاحتجاجات او ازدياد عمليات النهب والسرقة .. وقت بيصل لحد غير مقبول ولا يمكن التعايش معه منصل لمرحلة بيستسهل الانسان عملية النهب والقتل ..
وشعبنا المصون ما آخدة رجله على المظاهرات وعلى الاحتجاجات .. فاخدت رجله على السرقة والنهب ورجاع للأخبار بتشوف اغلبها بدور حول فلك السرقة " اثناء سطول مسلح قتل ... "
اقتباس:
|
هوي يا عزيزيي لما عرف أنو القانون أنصف أخواتك التنين و أقام الحد على السارق سماها المدينة الفاضلة بسبب أخواتك بس , عرفت ليه ؟!
|
لو بعرفك هيك بدك تحلل الجملة كنت فكرت سهلتلك ياها اكتر لتفهما بشكل اوضح
اقتباس:
كاتب النص الأصلي : BL@CK
لا محشوم أنت و البقر حبيب .
بس طبع اللي عايشيين بحلب غير طبايع اللي عايشين بريف حلب أو بالمناطق الشرقية . بالنهاية أبن مدينة حلب غير إبن ريفا كليا ً , ما فيك تشبه حالك بإبن منبج أصلا ً ما فيك تمشي معو حتى , ما فيك تقارن حالك بواحد مقضى عمرو عم يزرع بواحد بيقضي نص ساعة قدام المرايي مشان شعراية نزلت و شعراية مش بمحلا . ما عم ننقص من قدر
.
|
بخصوص الموضوع وربط السرقة بهمجية اهل الريف وهجرتن
1 - ما في ولا "سطر " بدل على ان الجناة من ارياف حلب .. يعني القصة كلها عبارة عن فرضية بفرضية
2 - ابن الريف سابقا كان يعتبر " دنيوي المستوى " بنظر أهل المدينة كونه عايش ببيئة متخلفة تقنيا وخدميا .. بس هلق ما عاد في هلفرق العظيم بالدرجات اللي انت متخيله ... فينك مثلا هلق بالاخوية تميز ابن الريف من ابن المدينة من خلال عرض افكاره ؟ مثال بسيط لا يراد فيه الشخص انما الفكرة .. العضوة ناي فينك تستشف من كتاباتا انها من قرية لو ما هية مصرحة بهلشي ؟
اقتباس:
|
سلملنا على توني و على أم توني و قلون يديرو بالون على حالون صايرة البلد بتخوّف
|
علاك مو بايدك