[ابو ريتا]

كاتب النص الأصلي : Abu ToNi

نعود بزيتاتنا الجداد لندشنن بأبو ريتا


ابا رتتن يا ابا ريتتن


أخويات خيو أخويات :

1 - كيف بتقيم أداء الأخوية الحالي من ناحية الأفكار والمواضيع والاشخاص

2 - جماعة البكاء على الأطلال اللي حاملين شعار ( يا حوينتك يا أخوية ) وماشيين ، شو موقفك منن وهل بتحسن عم يبالغوا ولا معن حق .

3 - فسر موقفك من
أكتر قسم بتحبه بالأخوية كلها ، شو هوي وليش بتحبه
وأكتر قسم بتكرهه ، نفس الحكي فوق
وعطيني رأيك بقسم المسابقات

4 - بتحس أنه في شي ناقص بالأخوية أقسام ؟ ولا عين سعدو تحرسا كاملة مكملة ؟

5 - شو هوي أكتر موضوع بالأخوية معلق بذهنك وليش ؟


كتابيات خالو كتابيات :

1 - كتير قليل لنشوف موضوع جديد باسم أبوريتا ( قصدي موضوع غير منقول ) شو اللي بوقف بوج أبو ريتا لحتى ما يكتب ؟

2 - خطرلك بشي يوم من الأيام تعمل مدونة ؟ شو اللي بخليك تبعد عن هلفكرة + شو هية العقبات اللي ممكن انها توقف بطريقك اذا قررت بهللحظة تعمل مدونة شخصية تكتب فيها الشغلات اللي عم تفتل بمخك من أمور جدية وتحشيشات على حد سواء .

3 - مين هنن الأشخاص المحللين او الكتاب اللي بتكون حريص على قراءة منتجاتن بشكل دوري ؟
انترنتيات بابا انترنتيات :

1 - ما بيخفى على 2 انو بسوريا في "مسخ"انترنت ، في هلكام خط بالكافيات الأنترنت وكل العالم عم تستعملن لأغراض جنسية بالدرجة الأولى ، برأيك لازم يفوت الانترنت على كل بيت سوري ؟ ولا على مبدأ السلاح بأيد الولد بيجرح ، لازم ما يفوت لنضمن انه رح يُستعمل بشكل صحيح .

2 - هل أنت من مؤيدي فكرة حجب بعض المواقع ؟

3 - شو البراوزر اللي بتحب تستعمله

دينيات يرحم شنن بقبره دينيات :

سؤال واحد لا شريك له عرّف " التدين " بمفهومك الشخصي وعطيني موقفك منه ، وبتشوف انه في ارتباط بين التدين وإلغاء الآخر ولا هلشي ناتج عن سوء فهم من المتدين .

هاموش :
انا هلق مروق زيادة عن الزوم لهيك ما نزلتك قسم حشش عليها تنجلي .. فانه اكيد راجعلك
وحلى سمايلي أبو ريتا

أهلا أهلا خيّ ابو طوني

منبلش بسؤالك الأول ضمن مجال أخوية
1- شوف لقلك أداء أخوية حاليا .. يعني بشكل نسبي ما كتير منيح
من ناحية المواضيع و الأفكار ما عد فينا نشوف مواضيع بتلم هالعالم , يا إما بتكون
شغلات متكررة يا إما بتتعلق بالدين
وبالنسبة للأعضاء يعني في أعضاء ما شالله عليهون متلك ومتلي يعني
ما خلينا شغلة غير و وضعنا لمساتنا فيها , وفي أعضاء ( بدون ذكر أسماء )
وجودن هو نفسو عدم وجودن , لا بيقدمو ولا بيأخرو , عم احكيك جد أنا

2- هلأ بالنسبة يلي قاعدين عالأطلال , طيب أنا شو بدي فيهن , فخار يكسر بعضو
هالعالم ماشي بخطوات سريعة وهنن عم يبكو عالأطلال , اي ستين عمرن

3- بالنسبة لأحلى قسم , فهو قسم الموسيقى , لأنو هونيك بنعنش أنا , هونيك
بتردلي روحي , فهمت عليّ شلون ما , اي طيب .
أغلظ قسم هو منبر أخوية الحر : على شو حر بالله , وين في مكان بالعالم فيه حرية ؟؟
لك أمريكا يلي هي أمريكا الي بتنادي بالديمقراطية والحرية , عندا أكبر السجون السياسية وغير سياسية
تحت اسماء و أغطية معينة . ( هاموش ما كتير بحب احكي بالسياسة لأنو بتوجعلي راسي ).
4- وبالنسبة لقسم المسابقات ف هههههه / متل قلتو ما فيه شي , كان في محاولات لتشغيل المخ
بس أنا رأي يتسكر , لأنو بلشو يسكروه للمخ هونيك

5- شوف بأخوية بالنسبة الي كنت فوت عاأقسام الموسيقى والرياضة والأخبار وفي الخواطر شوي
والصور شوي , وحباشات حباشات من الذي منو شوي , بتصوّر انو ما في شي ناقص , كاملة مكملة ,
يخزي العين حولها وحواليها
6- أكتر موضوع علق بذهني هو لما علقت بين مشرف وعضو , ما بتذكر مشان شو الموضوع
بس انو كان عيب عن جد يصير هيك , انو بأخوية ,,,, لك اسمها أخوية ويصير الي صار

منبلش ب كتابيات

1- شوف بالنسبة للكتابة أنا من الناس الي ما بحب اكتب كتير , لهيك ما كتير بيخطر عابالي
اكتب موضوع وبلش فيه بأخوية .
2- بالنسبة للمدونة اي خطرلي اعملها , وعملت ليكها هون في البال ....
3- شوف أنا ما بقرا لحدا حاليا مطلّع شي جديد لأنو كلون ماتوو رحمة الله عليهون ,
بس في متل رواية شيفرة دافنشي هي قرأتها وحضرت الفيلم , يعني بزمنا هاد , ما في غيرو
يمكن باقي الكتب والكتابات لناس ماتو من زمان , متل عزيز نيسن أو ليو تولستوي والقائمة طويلة

هممم انترنت
1- طبعا لازم الانترنت يفوت عاكل بيت , وهون الوعي بيلعب دورو بيكل بيت , بتشوف ناس عا أخوية مثلا
وناس عم تتفرج عالمباريات وناس عم تشرب متة وأفلام من الي بالي بالك ماشية وهيك

2- حجب المواقع , اي أنا من مؤيدي هالفكرة .

3- في كتير محركات بحث بحب استخدمها , طبعا أكتر شي مشهورين هنن الغوغل والياهو
أحيانا بحس انو الياهو أشمل من الغوغل ما بعرف ليش , بس انو نتائج بحثو أكبر من الغوغل
لهيك بفضل أنا الغوغل

الدين

- يعني لا تسألني عن ديني
بس لاحكي شغلة
هاد يا سيدي من العصور الحجرية للعصور الوسطى أو حتى قبل هيك بكتير , الناس
كانت بحاجة لشي , الاعتقاد وهاد المفهوم الفلسفي الي ما بفهم فيه كتير
هاد المفهوم نزّل مجتمعات وطّلع مجتمعات , بس كان فيه شي مشترك
كان يجمع هالعالم , وطلع بهالعالم وصارو , و للأسف يستخدم هلأ بشكل سئ
ليكها بأمريكا من فترة طلعت جماعة أنو الكائنات الفضائية هي الي خلقت البشر
اي ربن على دينون , شو بدون يشترو بعقلنا حلاوة

هاموش : اذا ما فهمت بشرحلك بعدين , شيلني منك هلأ