اقتباس:
|
كاتب النص الأصلي : وائل 76
هلاء يا عمنا المثقف فوق النخل شو المشكلة في ان يكون الدين مهتم بالشان السياسي بعدين من وين جبت التفرقة بين الدين الروحي والدين السياسي انا بعتقد انو جوهر الدين او فكرة الاساسية تكمن في انه منهج حياة يلبي كافة شؤن البشر في كل الميادين يعني لو ما كان الدين بيغطي جانب واحد من جوانب الحياة المختلفة بيكون قاصر واذا كان قاصر ما بيكون من عند الله وما بيكون دين اصلا بيكون معتقد ما
اما المشكلة الجوهرية انك بتخلط دائما بين من يقوم على الامر في الوطن العربي وبين الدين كفكر صالح لكل الازمان والاماكن انا متفق معك انو هؤلاء المرجفين والعملاء اولاد كلب كلهم بالا استثناء لكن من الغباء ان نربط بين الدين وبينهم لانهم لا يعبرون عن الامة اصلا فكيف تعتبرهم وتعتبر مواقفهم من الدين طبعا ليس الامر مقصور عليهم بل يشمل كل من لبس ثوب الافتاء ليخدم امبريالية هذا العصر الدين براء من كل هولاء المرجفينوالمتخاذلين اذا احببت ان تعرف وجه الدين الحقيقي قارن بين ما نحن عليه الان وبين عصر الخلفاء الراشدين سترى ان الدين هو ذات الدين ولكن الفرق ان من كان يقوم على الامر في تلك الفترة غير الذين نشاهدهم الان
وستشاهد الفرق واضحا كيف وصلت حدود امبراطورية الاسلام والعرب الى حيث وصلت وكيف اقيمت دولة الحق والعدل
بشكرك عزيزي الكهربجي وياريت تشوف شي حل النا بغزة لانو الكهرباء ما عم تيجي غير 8 ساعات باليوم وبما انك كهربجي ومثقف لازم تشوفلنا شي حل
بتمنالك اوقات سعيدة وطيبة  |
قبل كل شي قلبي معكون بغزة وموفقين...
بس يا عيني من منطقك رح أحكي.... أيام الخلفاء الراشدين مين كان مستلم الحكم؟؟؟
التجّار يعني عمر و أبو بكر وعثمان... أما المثقفين (علي) فقتل بعد فترة مو طويلة على يد التجّار
فأبداً ما كانت مثالية، بالعكس كان المجتمع إقطاعي...
بعدين مو شرط تكون الدولة كبيرة لتكون قوية أو عادلة (لوكسمبورغ وتشيلي من أكتر الدول تحقيق لحقوق الإنسان)
إضا بدك نرجع للعر اللي دخلوا فيه الناس بالإسلام بالسيف أو دفعوا جزية بيكون ما في هدف من الحوار معك
بعدين كيف حاطط صورة تشي و عم تقول أنو الدين صالح لكل زمان و مكان... لو هيك اشرحلي شلون لسّا للذكر نصيب الأنثيين لهلق...
يا حبيبي الدين الإسلامي فيه شقين... السياسي تبع أولي الأمر والأمر بالمعروف والنهي عن المنكر (اللي كل طائفة بتفسّروا على كيفها)
وفيه شق روحي وتعبدي متل الصلاة والصيام والإيمان... إلخ
والمشكلة أنو لما بدّك تعمل علمانية بدك المسلم يضل مؤمن بس السياسة ما بتقرر عالشرع بالضرورة... وهاد الشي اللي ما رح يعجبو... لأنو الله تبعو أمروا بالأمر بالمعروف والنهي عن المنكر.. فممكن يتصرف على راحتو بدون ما حدا يوقفوا ويخرّب البلد