اقتباس:
كاتب النص الأصلي : باشق مجروح
ولو كانت خروج عن الموضوع . لكن رد بسيط على Elephant And Castle بالنسبة لتهجمو الغير مبرر على اتباع اي ديانة فأبا بقول انو كلامك فيو خلط بين الدين كممارسة روحانية و علاقة خاصة بين الفرد و الشي الي بيؤمن فيه وهادا حرية شخصية بتضمنها القوانين و الاعراف . وبين بعض الممارسات غير السوية الصادرة من افراد اتباع بعض الاديان و لو كنت بشوف فيها حرية شخصية طالما ما عم تأذي حدا آخر .
التهجم الغير مبرر على الدين بيحطك بموقف متطرف مشابه لمواقف المتطرفين المتهجمين على اللادينيين فـ حبيت اكتب هالملاحظة لمعرفتي التامة بانفتاحية عقلك وسعة صدرك .
اما تعقيباً على الموضوع الأساسي . صار حكي كتير بهالموضوع هاد تحديداً وما قدر حدا يوصل لنتيجة والسبب الاساسي وضع كثير من الناس للدين في المقام الأول و قياسو على كل شئ في الحياة و على كل تفاصيلها و في حال تعارض الدين الصريح مع العلم يفضل هؤلاء الناس اللجوء الى جمود النص الديني والابتعاد عن التفكير العلمي الحر من القيود . بشوف انو هالنظرية ما رح تأثر على ايمان الكثيرين لو أخذت بطريقة علمية و تمت مناقشتها بعيداً عن الاديان ويبقى ايمان الاشخاص في قلوبها فقط .
انا شخصياً بحس بنظرية داروين شئ من المنطق و ما بنظرلها بأي نوع من القدسية وبترك الاجوبة ع كتير اسئلة حولها للتطور العلمي مع مرور الزمن .
وشكراً للمناقشين
ولا تآخذونا .
 |
من دون شك الدين كان المحفز لكتير ناس لتعمل شغلات كويسة و هادا شي ما حدا بينكرو ..لكن بالمقابل الدين كان المحفز لكتير ناس لترتكب جرائم و تمارس انواع كتير من التضيق و الأكراه ..و الدين عدا عن كل شي بمثابت قوة عند الأنسان المتدين بترتبط مع ذكرى احباؤو الميتيين او بتعطي المتدين الأرادة ليتجاوز محنات معينة و ما الى زلك من الكلام هاد ......يعني بصراحة متل ما شبه احد الأشخاص الدين ...هو متل وجبة الماكدونالدز ! ..الكل بيعرف ضررها بس بنفس الوقت هي الوجبة الرئسية لأكتر من ستين مليون شخص يوميا ..
عزيزي الباشق .. انا ابدا ما شفت كلامك بيحتاج انو الواحد يكون عندو سعة صدر ليقدر يتقبلو ...بالعكس ,,كلامك موزون و منطقي جدا ,,,بس عندي كام نقطة لو سمحت ..
ما في موضوع بالعالم بينطرح و الهدف منو بكون تبديل قناعات ..سواء سياسة فن دين رياضة ... فالهدف من الموضوع ما هو اقناع الداروينيين او الدينيين ...بس انا حبيت قول للدينيين خلال الموضوع هاد انو قصص الناس يلي بتطير و بتتحول وبتمشي عالمي و بتقسم القمر ما عادت النظرية الوحيدة يلي بتشرح اصل الكون و الأنسان و هيك شي ..صار في شي جديد ....و منطقي اكتر .
الشي التاني يا عزيزي الباشق ...ما بعرف انا وين اهنت الدينيين ..رجعت على الردود كلها ما شفت اني طلعت عن حدود الأدب ,,و اذا بتقصد الصور يلي بتفرجي ممارسات دينية غلط بحب قلك انو هي هي القاعدة و الشذوذ هو انك تلاقي دينيين غير هيك !! هادي هي الحقيقة
...كمان في نقطة ...انا ,,الديني بيعتبرني كافر و نجس و بدون اخلاق و بعيش متل الدابة و فاسق و فاجر و زنديق و ساقط و قليل شرف ...وكل الشي هاد مكتوب بكتبون المقدسة عني !!! ليش ...بس لأني ما أمنت انو في شخص خفي بعيش بالسموات ,,و الشخص الخفي هاد عندو لائحة من عشر بنود انا ما لازم قرب عليها و اذا قربت عليها فمكاني هنيك بجهنم محل ما رح اتعذب و انحرق و اصرخ و موت و انشوى و ينسلخ جلدي بأسفل جهنم من بداية الزمان لنهاية الوقت ,,,,,,,,بس الله بحبنا !!!!
مو انا يلي عم هين الأديان ...
الأديان هي يلي عم تهيني ....
واذا في شخص حاببي يهيني ..اهلا و سهلا ....ما رح تكونو ارحم من ربكون !!
و شكرا
That is not Dead which Can Eternal Lie And With Strange Aeons even Death may Die
لا ميتاً ما قادراً يتبقى سِِِِِِِِِِر مدى فإذا يجئ الشذاذ الموت قد ينتهي
Who Sacrifices The Social Liberties For The National Security Deserves Neither