في سؤال عم يدور براسي
ليش عنا بما يسمى عقدة اللهجة اللبنانية
ليش البنت لما بدها تعمل أنها كتير سينيه واتيكيت وهاي بتحكي لبناني؟؟
ليش الشب بس بدو يعمل انو هو كتير هاي و كتير أكابر وكتير اتيكيت
بيعوج لسانو وبيحكي لبناني؟؟
طيب المذيعات والمذيعين السوريين ؟
بمحطات الراديو او حتى عالتلفزيون
ليش بلاقوا اقرب فرصة ليحكو شي كلمة لبناني؟؟
هادي وشادي اسود الي مثلوا سوريا بسوبر ستار ليش بيحكوا لبناني والانكى من هيك مهند مشلح اللي من فصت حلب لما اشترك بسوبر ستار صار يحيك لبناني ونسي انو منفصت حلب ونسي اصلو؟؟؟
يعني هلأ معقول اللهجة البنانية أحلى من اللهجة السورية ؟
من وجهة نظري مافي أحلى من اللهجة السورية الحلبية والحومصية والشامية والجزراوية ولهجة الدير ودرعا كلن احب على قلبي من لبنان كلو
لكن ليش التصنع والأكل هوا ياعالم ؟؟؟
معقول اذا حكيت لبناني بصير كتير هاي واتيكيت وبينخاف عليي من العين
او اذا مثلا مرءت كم كلمة لبنانية بحكيي رح يقولو العالم
واااااااو شو حلو حكيو هالولد ؟؟
طيب ليش؟
عنجد يعني نحنا السوريين
مابتليق علينا غير اللهجة السورية
واللهجة اللبنانية للبنانيين وبس
فكرت كتير مالقيت سبب
غير انها عدم المؤاخزة
فزلكة بفزلكة بفزلكة
يعني لبنان ولغتهم الخاصة مابصيرو معي ولا بفرنك
لأنو هدول هنين الأساس بهدم قواعد اللغة العربية واستبدالها بكلماتهم الاجنبية والفرانسية
لا وياريت شي لغة بتسوا يعني يعني لو الزلمة او الصبية عبتحكي انجليزي او فرانسي كنا قلنا فيا ومافيا بحقلا تتفزلك
بس مو لبناني
ومية وردة
