[متمردة]

عذرية الفتاة المرتبطة بغشاء ، ما رح احكي عنها لأنو ربطها بالشرف هو بدعة .
الموضوع نسبي ، وبيختلف من شخص لآخر حسب مفهوم الشرف عندو ، يعني في أشخاص بكونوا كتير اوبن مايند ، وتعدد العلاقات الجنسية مو مشكلة عندن ، المهم الحب هو لشخص واحد (ذكور أو إناث ) .
رح أعطي مثال :
حتى ما روح لبعيد ، أنا مثلاً ، كوني أنثى ما فيني اتحمل تعدد العلاقات عند شريكي ، وبتدب فيني الغيرة دغري وبجن وبيطلع بخار من داناتي ، لكن إذا حصل ، فيني اغفر هاد الشي بشرط يكون الو مبرر "تعبان ، سكران ، فطسان ، ...الخ" ( طبعاً من بعد ما تحصلي كل الأعراض اللي ذكرتها)
والعلاقة الجنسية -بالنسبة الي- هي شيء .....ما بعرف كيف فيني سميه ، يعني على قد مو مقدس على قد مو مدنس .
ما بهتم فيه لأنو هو غريزة حيوانية بقيانة معنا ، الأهم هو المشاعر الإنسانية ، حب وإخلاص ، وإذا حدا سأل شو بقي من الإخلاص ، فبقول انو الإخلاص بالنسبة الي مو عدم ممارسة الجنس خارج العلاقة ، بل إبقاء الحب .


يعني ..ما بدقق عالموضوع أبداً ، وما بشكلي مشكلة ، في شي أهم وأرقى من الجنس هو اللي لازم نحافظ عليه


أما بالنسبة للمقارنة بين وضع الذكر ووضع الأنثى بهالناحية ...فلا تشكيلي ببكليلك ، أو ليش لتشكيلي انت ، انا اللي بشكيلك وببكيلك !

الله لا يوفقو اللي فرق بين الذكر والأنثى