[Reemi]

كاتب النص الأصلي : lolo510

اول شي هاد ما اسمه رفع الدعوى من ايمانه بالله لان لو انه مؤمن شوي كان عرف انه الله حق وانه هاد رزقه وقبل فيه بئى من وين جبتي ( ايمانه الشديد بالله ) والا انتي كمان صرته عم تشوفي يللي بالقلوب ؟
تاني شي انا قلت هاد اسمه الكفر بعينه بئى لا تقوليني شي ما قلته ومن جهة تانية الكفر عقابه اهدار الدم اذا ما بتعرفي هالشي
وبعدين مين هو اسامة ابن لادن لتقوليلي استحى ابن لادن يكفر الناس والا ليكون صاير مفتي ومالي علم والا انتي عطيتي هالصلاحية من عندك
واخر شي هاي وجهة نظر كل واحد حر يعبر عن وجهة نظره بالطريقة يللي بدو اياها بئى ليش انتي موقفالي حجرة عثرة ما بعرف

لاء هي مو وجهة نظر ابداً اذا بتريدي انتي ناديتي باهدار دمو وبالنسبة لموضوع العلم بالقلوب اكيد هالحديث مو الي لانو مو انا يلي حكمت عليه انو كافر ولازم ينقتل

شيوخ ومفتين وعلماء دين ماحكمو على حدا انو كافر بهالبساطة.. انتي اخدت معك القصة دقيقتين اذا مو اقل..

بن لادن لانو شخص تكفيري بيكفر كل حدا مابيعجبو وهو قاعد عم يشرب شاي.. ويبدو هالعادة كترانة

السؤال هون برجع بعيدو انتي باي صفة كفرتيه وكيف سمحتي لحالك تهدري دمو وتسمي كلامو الكفر بعينو؟؟؟ باي حق بتقولي هيك عن انسان عم يعاتب ربو بالطريقة يلي هو بيختارها؟؟

يعني اذا حدا قرا الفتوى تبعك وراح ينفذها شو يقول؟؟ اذا سالوه بعد ماقتل الزلمة ليش قتلتو يقلون بناء على فتوى من لولو 5687 ولا يقول فتوة من المفتي لولو ولا شو؟؟

جد عم احكي والله هل الفتوى يلي افتيتها وتسمية كلام هالشخص بالكفر واطلاق اسم كافر عليه شي انتي مخولة تحكيه ولاكيف مشان نفهم بس