اقتباس:
كاتب النص الأصلي : سوا ربينا
مرحبا صوفي مرة تانية..رح بلش معك بفقرة الانا..
مرحبتين احلى مثنى
صوفي شو اكتر قسم بتحبه باخوية؟ وشو احسن قسم بتشوفيه وخصوصا من ناحية الاشراف؟؟
لكون صريحه وعادله ع هل السؤال مافي قسم واحد بحبه ..فيك تقول بيعتمد ع الموضوع النازل اذا حبيتو ولا لا ..الاقسام هون كتير متنوعه وجامعه كل شي ..بس مشان يكون جوابي ادق لسؤالك عندك قسم الادب بحبو مع اني ماني نشيطه فيه الا بالمطالعه . رسم وتصوير كمان ..والصالون ...
بس احلى قسم ع قلبي االمعتقل شغله كبيره هل القسم 
اما بالنسبه لاحسن قسم من ناحيه الاشراف ..الصراحه ومشان كون عادله انا ماني قادره احكم ع قسم معين من ناحيه الاشراف لاني ماعم اتواجد كتير هي اول شغله وتاني شغله ماعندي االاسس الي بتعطيني الحق اني احكم ....وخاصه بهل الفتره
صوفي في اعضاء تركو اخوية باخر فترة وهي كانت فترة كتير فيها مشاكل ويمكن كانت من اصعب الفترات يلي بتمر فيها اخوية من هدول الاعضاء مين بتحسي انو خسارة للاخوية ؟
فتره المشاكل اكيد فتره صعبه وصار فيها خساره لناس مشيت ..بس فتره الخناق هي شي طبيعي بيصير مصارين البطن ببتخانق فا كيف ناس مع بعضها هدا شي طبيعي ...
هلىء منجي لهون انه الاعضاء الي تركو بيعتمد ع الطريقه الي تركو فيها يعني في منون تركو من نفسون وهدا الشي راجع للشخص وللنظرته للموضوع و تقيمه ..وفي ناس تم ابعادهم وهدا الشي بيرجع للاداره والمشرفين ...اما مين هدول الاعضاء في اسماء كتير مالح اذكر بالتحديد.. وبالنسبه الي انا كعضوه باخويه بعبتر انه الي مشيو خساره كبيره لاخويه ..لان اخويه مميزه وكان بيزيد تميزها بوجودن ..كل عضو هون مميز مافي حدا غير عن التاني ...بس لو نعرف نلاقي طريقه للتواصل وتقبل الاخر مو اكتر ..
وع مين بتحطي السبب بالمشاكل يلي صارت اخر فترة ؟
انا مافي احكم وقول فلان السبب او انا السبب او شخص معين ..القصه مو هيك
كل مشكله كل واحد بشوفها منطرف ومنظور معين ويمكن تكون شغله بسيطه وتكبر الكل غلط وهدا شي اكيد ومحدا بيعترف بغلطه وهدا شي اكيد ..بس العتب بهيك حاله بيجي ع الاداره كون الها الافضليه بهل الموضوع والها السلطه بهل المجتمع الاكتروني انه تحل المشاكل فا الاسباب كتير ومتعدده
وشو بتصورك الاسباب يلي سببت هالمشاكل ؟
محدا عم يفهم ع التاني وكل واحد بيتحسس من التاني وكل واحد ناطر التاني ع غلطه .
والسبب التاني والاهم هو عدم القدره ع تقبل النقد من الطرف الاخر وهدا الشي بيخلق مشاكل كتير
وبرأيك ممكن هدول الاعضاء يرجعو ع اخوية عاجلا ام اجلا ؟؟
بدك رأي انا بتمنى يرجعو ..بس هدا الشي عايد للاشخاص اما اذا بدي جواب بدقه اكتر الصراحه مابعرف اذا لح يرجعو ولا لا
وهل صوفي بيوم من الايام ممكن تفكر بترك الاخوية بنفس الطريقة يلي تركو فيها هدول الاعضاء؟؟
ممكن حسب الظرف ..بس الي متأكده منه انه صوفي طول ماعندها نت لح اضل تفوت ع اخويه
|
طبعا انا حاولت جاوب بوضوح وقدر الامكان الاسئله ..وبتمنى تكون الفكره وصلت ... 
وحلو اسم الفقره 
أس اخت فوتت الحيطان شو كتراني ...أس اخت كل شي
نسيان ( سنندم كثيرًا لأنّنا أخذنا الحبّ مأخذ الجدّ. فلا أحد قال لنا أنّه في الواقع أجمل أوهامنا و أكثرها وجعًا.)
|