اقتباس:
|
كاتب النص الأصلي : Danito
بس من باب الملاحظة : LBC أعلنت انفصالها عن جعجع من كام يوم
ثاني شي: مع الاحترام الشديد للسيد حسن نصرالله ، بس فعلا البرنامج على مدى سنوات ما خلا شخصية ما قلدها
في خبر كتبوا فيه أنو الشخص اللي قلدوا قال بشكل ضمني أنو حزب الله رح يستخدم أي طريقة من شان ما يتخلى عن السلاح
هلق نحن هون مو بوارد نقاش حزب الله و دوره و سلاحه ابدا ، بس يعني عن جد البرنامج عرض كثير ناس و قلدهم و بخفة دم و أحيانا بجوز بسماجة ، يعني و هي الشغلة دارجة بلبنان، يعني ليش التشنج الزايد أكيد حسن نصرالله اكبر من برنامج فكاهي بس ليش لحتى يتم إظهار حزب الله و زعيمه على أنه حزب لا يقبل أي شكل من أشكال النقد أو الرأي المختلف؟ حتى نصرالله نفسه طلع على التلفزيون و طلب من العالم ترجع على البيوت
بجوز كون عم بحكي بمنطقة محظورة ، بس يعني عم حاول ابدي وجهة نظري بأنو خلي العقل يتغلب على العواطف و اعتقد أن ثورة الغضب و الاعتراضات اللي أجت على شكل أعمال شغب أساءت للحزب و لرمزيته كأيقونة للمقاومة أكثر ما اساء البرنامج
|
كلامك كتير مزبوط و انا معك مية بالمية بس المشكلة اللي نحنا و يمكن جماعة ال ال بي سي نسيوها انو حسن نصر الله رجل دين قبل مايكون رجل سياسة و هاد هو الخط الاحمر (مع الاسف طبعا)
تحياتي ,,,,,
إذا تعبت أضع رأسي على كتف قاسيون و أستريح و لكن إذا تعب قاسيون على كتف من يضع رأسه .......... المـــــــــــــــــــــا غوط