اقتباس:
كاتب النص الأصلي : jankasanova
في كتير عالم بتمر بمواقف و بتجارب سيئة كتير. تجربة ورا تجربة, لحتى ما يصلو لمرحلة بيتخلو عن كل شي, عن احلامن, عن حياتن عن عائلتن يعني بيستسلمو و بيروحو بطريق المخدرات او المشروب و ما الى هنالك...
فهل الاستسلام حل؟؟؟
هل مرقتو بتجارب سيئة و استسلمتو؟؟او ضليتو وراها وراها لحتى وصلتو للهدف اللي بدكن ياه؟؟
انا بصراحة وقعت وقعت كم وقعة ماكنيين ما بتمناهن لعدويني يعني متل ما بيقولو وقعت و ماحدا سما علي, و ماحدا كان جنبي يساعدني يعني فيكن تقولو كنت بالمكان الغلط بالوقت الغلط و تعرفت عالاشخاص الغلط..بس من تجربة ورا تجربة كنت بتعلم اشياء جديدة,يعني عيوني تفتحوا و تعلمت من اغلاطي و كنت فكر وقعة ورا وقعة بس اكيد رح تجي هيك هبة هوا من شي مطرح و تقلب كل شي و اجت هالهبة الهوا وغيرت كل شي للاحسن..
فانا اليوم شفت هالفيديو لخلاني اكتب هالموضوع, شب ماعندو لا ايدين و لااجرين عم يحكي قدام طلاب مدرسة عن الاستسلام ما رح احكيكون اكتر فوتو و تفرجو وشوفو شو بيطلع معكن..
بس اللي ما بيقدر يشوف رجال بلا ايدين واجرين لايفوت اوكي؟؟
وهاي الرابط
http://www.maniacworld.com/are-you-going-to-finish-strong.html
بعد ماتفرجت هيك صرت 
100 الكن و الو |
طبعا مثال رائع للصمود و عدم الاستسلام في ها الحياة، أحيانا كتير بيكون نقص معين هو نفسو المُحفِّز للإنسان ليطلع من ضعفو و يثبت للناس (و لنفسو قبل الناس) أنو قادر يتحدى ها العوائق اللي بتنزرع في طريقو...
الحياة منَّا طريق ورد، و لازم نقع ألف مرة، و نرجع نوقِّف كمان ألف مرة.. و إذا في شي بيعطي قوة للإنسان، هو ها الشعور بالضعف في لحظة معينة..
أكيد حجم المآسي يبختلف من شخص لشخص، و طريقة التعامل معها كمان بتختلف من شخص لآخر، ففي ناس بتغرق في كاسة مية، و مشكلة بسيطة بتصير هي نهاية العالم، و في ناس عندها قدرة على التحمل أكثر و نضج أكثر في مواجهة إحباطات الحياة و بالنهاية، أي تجربة شو ما كانت قاسية، هي عملية صقل للإنسان، ممكن تخلي أثر سلبي، بس لازم في نفس الوقت تكون درس نتعلم منو، و نقطة تطور للأمام و تحول للأقوى
الموضوع كتير عجبني...
صامدون ها هنا
لقد كنت قبل اليوم أنكر صاحبي
إذا لم يكن ديني إلى دينه دان
و قد صار قلبي قابلا كل صورة
فمرعى لغزلان و دير لرهبان
و بيت لأوثان و كعبة طائف
و ألواح توراة و مصحف قرآن
أدين بدين الحب أنَّى توجهت
ركائبه، فالحب ديني و إيماني
ابن عربي
|