[Abu ToNi]

كاتب النص الأصلي : ..AHMAD

سلامات ، وأما بعد ...

منبلش معكن نقطة نقطة

أختلف معك تماماً بالرأي ، من ضمن الشروط البديهية اللي وافقتو عليها بدون ذكرها ( وما في داعي لذكر هيك شرط ، يعني مثلاً ما رح ينزل شرط انو لتشارك بالمسابقة لازم تنزل صورتك ) اي فالشرط هاد اللي عماحكي عنو هو المشاركة بالمسابقة مع كامل الثقة بخيارات لجنة التحكيم ، لذلك انو نجي هلق ونقول والله عمي هلئ ما عاد يعجبنا هالحكي ، فالـ غلط من المشاركة بالأصل ، طالما عنا شك واحد بالمية انو هاللجنة ما زابطة كان فينا نعترض من البداية او ما نشارك مثلاً .. وهون انا ما عمقول عمي لا تحكو وتبدو اعتراضكن وامتعاضكن وما إلى اليه ، لكن انو ننتقد ونعارض بأشياء أساسية ومن صلب المسابقة ( يعني كـ صور جملةً وتفصيلاً ) مش نجي نعارض انو هيك موضوع كان لازم ينزل من البداية وليش ما نزلتوه و و و الخ. ( واعتقد اني ما عماقدر وصل فكرتي مزبوط ، لذلك بدكن تعذرونا ازا ضربناكن بشي حرف / كلمة عن غير قصد )..

كل القصد انه لو في نية نقاش بالصور من الأول كان لازم ينفتح الموضوع هاد
بخصوص الاعتراض فما عم افهم عليك وين المشكلة
في زوق فني بالموضوع وفي ضوابط وشروط
الزوق الفني ما اعترضت عليه الاعتراض كله على خرق الضوابط والشروط المحطوطة من قبل اللجنة نفسا .
مشان عدم المشاركة والاعتراض ... بكل صراحة انا واحد من العالم اللي ضرب براسي روح على البريد وطالب بحذف صورتي من المسابقة .. اذا بتحبوا تعتبروا الطلب هون رسمي بأني بدي انسحب بالمسابقة ما عندي أيا مشكلة .. لا بل بكون ممنون الكن .. بتوفروا علي بانزينات النزلة علبريد
وما عدنا نعيدا

وفيما يخص ابرة المخدر ، فالمسابقة من بدايتها مخدرة وأخص بكلمة مخدرة انها ماشية تمام ، ولو هالمسابقة ما طلع عليها انتقادات واعتراضات وسين وجيم من قبل المرشحين او المشتركين او الأعضاء ذاتهن فـ هون بيبقى في مشكلة بحيث انو مافي شي مثالي ، ومافي شي يفترض فيه يكون مثالي ، فـ وجود اصوات مستنكر ومشجبة شيء مستحب جداً ودليل عالنجاح

اللي بعرفه أنه في 24 عضو شاركوا بالمسابقة وهلرقم مانه بالرقم القليل .. يعني في اقبال جماهيري على المسابقة بس في شي صار حتى خلّى العالم ما ترجع وتشارك بالتصويت او حتى يفكروا ينسحبوا منها
معي انت بهلنقطة ولا هئ ؟

1- ما حدا حكا ما بيحقلك الاعتراض ( ولو انو مثلاً في خطأ بصياغة الجملة ) ، هالموضوع تم وضعه لمناقشة اوضاع الصور، لكن انو بس ابديت رايك بانو هالصورة مو زابطة او ما بتستحق ، فهالشي ما رح يأدي لتعديل وضع الصورة، لكن لما يتم اثبات بالحقائق والأدلة الفنية انو هالصورة وضعها مش راكز فـ هون معك حق تماما.

شو بتقصد بصورة وضعها مش راكز ؟ مشان اعرف امتى رح يصير معي حق

2- بخصوص هالمفاجأة ما بعرف ليش كتير عميتلطش حكي على ربها يعني ، ومو لأنو حسان ، ومو لأنو بحترمو ... لكن بموضوعه بالبريد تم التوضيح ، وتم إثبات الأدلة ، ووضع الصورة الأصلية المأخودة من الكاميرا مباشرة قبل إجراء أي تعديل، وشرحت انا بالتفصيل الممل آلية الفوتوشوبية بالصور... ولكن هاد الرد ... وبعدو كزا رد .. عميلمحو لهالموضوع فـ أنو المزعج بالموضوع مو المفاجأة اللي صارت ، المزعج هوي إعادة الحكي كتير بهالموضوع اللي تم شرحو .

اذا بترجع لشروط المسابقة

#3 . ان وجـود تقنـيه الفوتوشب تسـهل و تجـمّل الكثير من الأمور في كلّ من الرسم و التـصوير و الفنون البصريه و الفوتوشوب هو فـنّ يحـتاج الى فنان لاتقانه كما يحتـاج ايّ فن آخر الى فنان لاكماله الّا ان هـذه التـقنيه قد لا تتوافر لـدى جـميع الأعضاء و المشاركين في هـذه المـسابقه و بـذا فأنـّه ليـس من العدل السـماح لأيّ تقنيه كـهذه بالتأثير على مـجرى الـتصـويت أو المـسابقه و لـذا يـُرجى من الجميع الالتزام بعدم تعديل أيّ من الصور ضمن هـذه المـسابقه عن طريق ايّ من البرامج المـساعده و يعتبر تـغير أي عنصر من عناصر الصوره أو ألوانها أو أبعادها أو أيّ تعديل خارجي عليها هو غـش ٌ لا يحق لصـاحبه الفـوز ..

غمقتلك كلمة تعديل الخارجي لاختصر عن حالي الحكي