اقتباس:
كاتب النص الأصلي : قرصان الأدرياتيك
هلا فيك "شوط يا قمر"... وألك كمان تحيّات.
بالنسبة للموضوع فمحدا يا صديقي قال أنو درس عربي، بس عموماً بما أنّ الخواطر والخربشات نازلة بقسم اسمو "أدب" جنباً إلى جنب "الشعر" و"المسرح"... إلخ، فعنصر اللغة من أهمّ العناصر في الأدب وهالشي ما بيخفى على طالب أدب سنة أولى!!! .
|
أنا مش بصدد انّي ناقش بهالموضوع بحيث صرلي فتره بمر و بشوف هالموضوع بالبريد و مش بصدد التطرق اله و لكن بس ملاحظه صغيره ما اعتقد انّي رح ارجع لناقش فيها كتير ..
ولكن و بلا معلميه عليك, فالأدب هوّ باب لاستـخدام اللغه مش لخدامه اللغه, يعني الادب يستخدم اللغه ليوصّل مش اللغه هيّ اللي بتسيّر الادب انما الادب بسيرها على هواه .. و من المعروف لطـلاب الأوّل الاعدادي انّو الخروج عن القواعد " التشكـيليّه تحديدا " يكـون للضروره الشـعريه او لغيرها و هوّ أمر عادي يحدث في ظل الادب ..
و الماغوط بـذاته كان يكرر انّو هو عنده أغلاط كثيره قواعديّا و بأنّه مش مثقف و لكن عنده فكر و مش فارق معه باقي التفاصيل .. بس بتقدر تنفي أنّو الماغوط كان من اهم الكتاب بتاريخ سوريا ؟؟ و كـذلك شـعر نزار كمثال تاني ..
وعن قـسم المسرح أيضا ذات الشي و اذا بترجع لمسرحيات شـكسبير بتقدر تكتشـف مدى اختلافها عن القـواعد الانكليزيّه المعروفه اليوم و ذات الـشي بالنسبه لكتير مسـرحيات عربيه تسـتخدم اللغه العامه و ليس اللغه العربيه الفصحى
أيضا لو بدّك تحسبها هيك فباب الادب يندرج تحت قسم أكبر اسمو الفن .. و الفن هوّ باب الابداع المفتوح اللي يبدأ بكـسر الـقواعـد و القـوانين و احلال الخـيال و الفكر مكانها
اقتباس:
كاتب النص الأصلي : شوط ياقمر
هون ئلتلك بدك تشوف .. مارسيل ..
|
بدون ألف
!!