الالحاد من وجهة نظري هوي انفتاح وتفكر بالحياة بدون قيود دينيه تحكر هذا التفكير ....
يعني مثلا الملحد ممكن يوصل لمخيلتو الى ابعد الحدود الفكريه وبدون ما يسأل .... والمؤمن ممكن اذا وصل لنقطه وما فهمها راح يقول قدر الله وما شاء فعل او ما بعرف او مادخلني او او او او .... لانو محجوب عنو التفكير وممنوع انو يكمل ...
بعدين ثاني شي بالنسبه :
اقتباس:
|
هل يمكن للملحد ان يكون خيرا اكثر من المتدينين او على الاقل مثلهم
|
طبعا كثير ممكن وليش لأ , لانو انا عندي كثير اصحاب ملحدين وعايشين حياتن تحت رابط فكري على عكس المؤمن اللي بيعمل الغلط وبيعرف انو غلط وبيتحجج بالتوبه وانو الله غفور رحيم ...
اقتباس:
|
هل يمكن للملحد ان يكون عائلة ناجحة دون التطرق الي اي دين وبشكل منفصل تماما عن افكار المجتمع
|
ودخلك شو دخل الدين بتكوين العائله ... اذا الاب علم اولادو على مكارم الاخلاق ورباهم تربيه صحيحه على الحب والخير للناس شو المشكله ..... وبالعكس ممكن الدين احيانا يكون عائق وليس دافع ....
اقتباس:
|
او ان يكون منتجا وايجابيا في المجتمع اكثر من المتدين او على الاقل مثله
|
شي طبيعي راح يكون منتج وشغال دون توقف لأنو ما وراه وقت يضيعو مشان يروح يصلي او ياخذ عطله لانو اليوم جمعه او سبت او اعياد وغيره ..... .... وثاني شي بتتعلق بقدرات الشخص مو بدينو .... لانو هوي اللي راح يشتغل مو دينو
اقتباس:
|
هل فعلا يحتاج الى دين ما؟
|
اكيد لا بالعكس انا بحيه عالشجاعه اللي فيه والقدره على البحث والمعرفه لايام وساعات طويله لحد ما لاقى حالو ملحد ....
اقتباس:
|
هل يمكن للملحدين ان صدر امر بنفيهم الى جزيرة او كوكب اخر ان ينجحوا بتكوين مجتمع متفهم متطور غير متطرف الافكار والاهم ان يكون ديموقراطيا ( طبعا لا يوجد نجاح متكامل او 100%, لكن بشكل عام أو متوسط)
|
يعني بصراحه من السؤال حسستني انو الملحد مخلوق فضائي وما دخلو بالبشريه .... يعني يا جماعه الدين بعمرو ما كان سبب في نجاح او فشل .... على العكس تماما .... وما بتعرف اذا نجح او فشل بالمريخ هذا بيعود لطبيعة الحياة هونيك كيف بتكون
وبالنهايه .... ها وجهة نظر وما حدا ياخذها من منظور شخصي او ديني .... 