[fady juventus]

كاتب النص الأصلي : Government

خلينا نحكي بصراحة مع انو القصة راحت ومشيت وماحلوة نعيد ونفتق فيا .. بس بدي احكي كم كلمة
للاسف التصرف اللي بدر من جمهور الوحدة شي فظيع كتير وبصراحة جمهور الوحدة من يوم يوموا معروف مين هو وشو الطيقات اللي تكون منا ومين هو جمهور الوحدة بالنسبة للشوام ..
(طبعا مو الكل بس الغالبية وبتحط 50 خط تحت كلمة مو الكل )
يعني الجمهور ماهيك بكون انو من خسارة بلش يشتغلو بالمدرب وبالفرق .. يا اخي تعلمو من امم اوروربا .. ونحن بشكل عام لسه بدنا كتير لنوصل لثقافة التشجيع او ل5% منا .. وخاصة جمهور الوحدة .. (مع احترامي الو ) بس جمهور الوحدة بشكل عام وجمهور الشام من يوم يوموا بحسو في حقد بقلبو وضغينة .. ونحن جمهور الاتحاد دايقين منن كتير ..واخر حادثة دقناها منن حادثة قتل الاهلاوي ماعاد اتزكر اسمو اللي اجا يحضر مباراة الوحدة والاتحاد بالشام وهالشوفة هي كلفتو حياتو من فئة من جمهور الوحدة اللي بوصفا بالدنيئة والحقيرة ومن فئة وسخة.. والكل بيعرفن والكل بصراحة ممأوت من جمهور الوحدة وفي حساسية كبيرة بس معظم الفرق وبين الوحدة وجمهورو .. هي وحدة
بعدين شغلة تانية يا اخي جمهور الوحدة عبنادي وبعيط ووحدة ووحدة يا اخي الوحدة شو مقدم شو عامل شي خرج نشجع الوحدة بصراحة انا لو وحداوي بستحي ارفع راسي انو مافي شي عليه القيمة .. هلأ هي القصة مشان ماهر السيد ما اختلفنا .. يا اخي ماهر السيد انصاب بالتدريب قبل لعبتنا الاولى مع الكويت انصااااب مشان هيك اب شاكر استبعدوا واكيد ماشركوا باللعبات التانية لانو حالتو ماكانت منيحة واكيد جاهزيتو ماكانت ولا ماهر السيد لاعب كبير وفنان من يوم يوموا ورمز من رموز الكبيرة لنادي الوحدة واكيد هو كتير مفيد للمنتخب لو كان بحالتو الكويسة واحسن من جهاد الحسين حتى بس مابتعرف اكيد ماكان جاهز .. بعدين هي امور فنية للمدرب مابصير اي حدا يدخل فيا .. يا اخي شو يعني ان دخل ولا مادخل ماهر لاعب كبير بس هيك رؤية المدرب خلينا نخلي يشتغل لحالو ونتركو يا اخي هادا منتخب سوريا مالو لا وحدة ولا اتحاد ولا كرامة .. وحتى لو كانت التشكيلة كلا من الكرامة انا من جهتي مابعارض بشرط انو يقدمو شي كويس .. والمهم تحت اسم المنتخب وازا رح يقدمو شي منيح انا ماعندي اي مشكلة وين ماكان يكون .. المنتخب لما بيلعب لازم هالشي كلو يتنسى اتحاد وكرامة وحدة وجيش .. للازم نفكر بشي واحد بس هو سورياو منتخب بسوريا
فيا جمهور الوحدة عيب شرشحتونا وشرشحتو حالكن وانتو ازا هيك متعودين واخلاقكن مارح تتحسن خلو اخلاقكن لحالكن وبين بعضنا مو تفضحونا قدام امة الله وتشمسوا ربنا قدام العالم .. وتعطو صورة وسخة عن جمهورنا اكتر مو معطية ..


كمان يا اخي منجي لجمهور الكرامة يا اخي انتو شو مشانكن صرعتو ربنا بالكرامة .. اخي كرامة وكرامة عبلى عيني وراسي انجازاتكن الاسيوية وبسمة الكرة السورية وكلو تمام
بس يا اخي بلا هالشللية بمباراة المنتخب .. يعني العلم الكبيير لابشو والهتافات باسم الكرامة لايشا هي .. بصراحة الجمهور الكرماوي كمان بيتحمل المسؤولية لما صار ينادي باسم الكرامة هالشي ولد حالة غليان عند باقي الجماهيرو بصراحة شي بغيظ وحق معن انو كل واحد بهتف باسم نادي ازا الكرماوية بلشو وحمو الجمهور
يعني كمان ياجمهور الكرامة ماحلك تفهم يا اخي هااد المنتخب انسو شي اسمو كرامة بلعبات المنتخب وخليكن باسم سوريا وطبعا جمهور الكرامة بظن هو اللي بلش وهو اللي خلاها تشتعل من باقي الجماهير وكل واحد صار ينادي بنادي بعد مابلش جمهور الكرامة وصرع سمانا وترك المنتخب وصار ينادي بالكرامة هالشي غاظ كل الجمهور وطبعا هادا حسب الروايات ..


تالتا اب شاكر كبير وبضل كبير وحتى لو ما اتهلنا للدور التاني ومارح نتأهل طبعا اكيد مارح يحرقو ولا يحرق اسمو ولا شي كبير اب شاكر وبضل كبيربس للاسف الظروف مامشيت معو بهالمشوار الصعب والحظ ماحالفنا والعيبة خزلو والتحضير ماكفانا .. وللاسف هالموسم ما اتأهلنا مع كل اللي توفر فبحب بشركن انو مارح نتأهل بحياتنا والامل ضاع وكلو راح .. واكيد منتخبنا والطابة عنا رح ضل مكانك راوح وتعبانة وسيئة ازا بضل هيك الوضع الطابة عنا والكرة السورية عبتبلش تفرط ورح تفرط واول بواد هالفرطان مشاركتنا بالبطولة الاسيوية اللي اقتصرت ع فريق واحد وبعد التصفيات .. ووضع المنتخب السئ والامل اللي ضاع وتبعثر .. وهالشي كلو حصيلة شغلات كتير وامور كبيرة حاصلة بسوريا وبالكرة السورية ادت لهالشي .. واكيد بدنا وقت طويل ومواضيع وسير حتى نطرقلا ونزكرا .. هادا مجرد الحكي

وطبعا ازا بدك تتصلح هالاوضاع اللي وصلتنا لهالوضع بدنا شغلة سنين وشهور لحتى تتصلح وتتوفرنا ظروف نافس عليها لنتأهل بشي يوم من هالايام اللي رح تكون طويلة باعتقادي .. وهالشغلات مابتصلح بشهر او شهرين او 3 شهور للاسف الشغلة لازما حل من الجزر ..
واكيد لا اب شاكر ولا ام شاكر ولا شاكر بنفسو بقدرو يأهلونا لكأس العالم ازا اساسنا غلط وحظ ماعنا وروح مافي وكرتنا عبتفرط شوي شوي ..

الخلاصة هاردلك النا .. وهالسنة قالوة انو ازا ماتأهلنا هالمرة مارح نتأهل مرة تانية
وفعلا هو هيك .. وياحسرة المشجع السوري اللي مكتوب عليه هيك وياحسرتي انا ..

حكي نضيف لا غبار عليه
و مشان اللي عم يقول شوكة بحلقنا ولا برجلينا .. بحب طمنو إنو إختيار الشوكة غير مناسب
بزيادة قشة ... بس انتبه ..
هي القشة ما بتقصم لا ظهر بعير و لا حتى فارة .. أوكي حبيبي
هه قال شوكة قال