[Heaven'sHeart]

ســــــلامي للجميـــــع،

بطلب طلب صغير من المشرف الكريــــــم يا لييييت انه يتقفل هالموضوع!! لأنه بصراحه ماله اي مناسبة! واي موضوع يتشعب ويتحول لمناوشات وشتم وكلام مادون المستوى بيجرح كثييير من الأعضاء اللي بينتموا لبلد او طائفه بيطلع عليها هالكلام اللي ما يليق

ليه دائما الناس بتعمم الأشياء اللي بتشوفها سواء من قبل اشخاص او مواقف تعرضوا لها في بلد ما...يا إخواني العالم ماهو متفق على اشياء كثيييير واصعبها اللي بيتعلق بالعادات الاجتماعيه والدين...احيانا بيكون مستحييييل نلاقي كل شي مثل ما نتمناه او نتخيله!

وبالنسبه للوضع في السعوديه بما اني منها في اشيااء كثيييير مو عاجبتني ..فيه تعصب ديني وماصار دين اسلامي بس بل صار الدين السعودي لانه فيه اشياء دخيله على الدين وأصبح فيه خلط ولبس ما بين العادات والاعراف وتعاليم الدين اللي سبب مشاكل كثييير..كمان الحكم هنا قائم على الالتزام بالمذهب الحنبلي اللي هو اشد المذاهب.. هذا
غير الأعراف البالية اللي مسكره على الناس وما بتخليهم يتطوروا (على الاقل لمن يريد ذلك) لانه فيه عالم ترغب بذلك لكن ممنوعه لانه الغالبيه مش موافقه ومازال كثير غير متقبلين للي بيختلف عنهم سواء جنسيه اودين او مذهب او حتى ابسطها توجه فكري مختلف عنهم وكأنه كلنا لازم نكون نسخ متطابقه من بعض في كل شي مع انه --ما بيجوز الإكراه في اي شي بالدين-- كل انسان حر وبيعمل اللي بيناسبه....لكن الحلو انه ابتدا النقاش في هالمسائل في وسائل الاعلام بأشكالها المختلفه وفيه اشياء تم اصلاحها بناء على ذلك ومثال انه صار الوحده ممكن تطلع لها هوية خاصة لها لانه كان ممنوع..والباقي في طريقه للاصلاح..مثل هالايام بيناقشوا قصة سواقة السياره اللي انشاء الله تطلع من صالحنا...

وكمان بتذكر انه على مسألة حرية ممارسة الشعائر الدينيه لغير المسلمين فيه دكتوره بتدرسني بالجامعه كتبت مقالات عن هالشي وهي من المشجعين على الانفتاح والمساواة وغيرها كثيرناس.. بس الامور محتاجه وقت عشان تتغير..

الناس اشكال وعقليات وأنفس مختلفه فيه المتسامحين والمتعصبين وفيه الواعين المثقفين وفيه اللي عقولهم ما بتستوعب غير بشكل محدود...فأحيانا الصمت بيكون أبلغ وأنسب شي للي من هالنوع لأنه مهما حاولت ما رح يقتنع ولا انت رح تقتنع برأيه..

..احنا بشر من شعوب وبقاع بعقليات اشكال والوان..لازم نقبل بعض باختلافاتنا...--->نحب بعض ونتساااامح ونتفهم بعض<---ونحاول نتناقش في اي موضوع بأسلوب حضاري من غير تجريح بل بقلوب صافيه لانه حلو انه نتعلم من بعض خصوصا لو احنا من أجناس وطوائف مختلفه لأن من تجارب بعض ومآخذنا على بعض رح تساعدنا انه نحسن ونطور من أنفسنا كأفراد بالتالي كمجتمعات..

ورجائي انه نترفع عن نقاشات لا فائده منها رح يكون أفضل بكثير من ردود لا تؤدي الا للاستفزاز وزياده الفجوه ما بينا يا اخواني..

يا ليت نتفق على هالشي على الأقل......

--ســــلام--