اقتباس:
لا حظ انو انا سميتو وجود لخفف من وطأة كلمة احتلال .. با عتبار الاحتلال بيعطي صورة القمع و نشر التخلف والفساد..والابادة .ولا أجد انو العرب كانو هيك بالأندلس
بس كمان في فرق بين احتلال و "احتلال" اذا بدك .. شو رئيك متلا بالمجازر ضد الأرمن شو بتسمي هاد ..وهل العرب عملوا متل هيك شي باسبانيا ..
فرنسا كمان على علاتها اجت حضرتنا شوي .. ففي عندك وقائع تاريخية أحيانا و لا يمكن بسهولة لاي بلد ان يقول بكل ببساطة انه احتلاله لبلد ما كان "حضاريا"
|
طبعا هاي وجهة نظر العرب فيما فعلوه بالأندلس (لاحظ ما حدا ينكر انو كان في حضارة أندلسية قامت على أنقاض احتلال) و طبعا مؤرخي العرب ما رح يحكو انو عملنا مجازر.. لكن طبعا عملوها, و احتلو و دمرو و أقامو على انقاض ما دمرو.. لكن ما حدا بيقول انو راح يحتل و ينشر جهل و تخلف انما دائما هناك تبرير من طراز انو رايحين ينشرو علم أو ينشرو دين أو أو أو ... و في الحقيقة الكل رايح يدوّر ورا مصلحتو
"الذي يقول أقاتلك دفاعًا عن الله أو عن الحرية أو عن النظام والعدل إنما يعني الدفاع عن أسلوب من الحياة قد رتَّب مصالحَه عليه.
..."
هالجملة للقصيمي تلخص ما فوق
هلأ انت وجهة نظرك بالعثمانيين انهون نشرو جهل و تخلف, لأنو انت المحتل (بضم الميم و فتح التاء) لكن لو تسمع واحد قومي تركي بتشوفو بيقلك العكس.. انو هنن أكلو كم بالعرب لما توحدو معهون, و كانو العرب سبب تخلفهون (و هاد تبرير مصطفى كمال لقطع كل صلة بالعرب, حتى الأبجدية غيّرها) ..
طبعا بتركيا ما حدا يعترف انهون دبّحو بالأرمن, و غيرهون من القوميات (متل ما العرب ما بيعترفو بفايناتهون)
و بخصوص الثورة العربية تبعيت الشريف حسين أو حتى حركات بلاد الشام, يعني هيي انعطالها بعد تحرري رومانسي بعتقد مبالغ فيه جدا..
الشريف حسين كان يساوم على مملكتو, و لقى انو في حدا ببلاد الشام عم يحكي عن القومية العربية (للمفارقة, الآباء الفكريين للقومية العربية هنن أدباء الطائفة المارونية) و شال هالفكرة.. لكن الحقيقة انو لما قامت دولة سوريا بعد انسحاب العثمانيين بتشوف انو كل المسؤولين و حتى ضباط الجيش كانو قادمين من الدولة العثمانية المنقرضة (كل الوزراء و كل المستشارين.. و يوسف العظمة بذاتو كان ضابط بالجيش العثماني)