اقتباس:
|
كاتب النص الأصلي : krimbow
تعيش عمر النسر معلم محمد
من زمان بدي افتح الموضوع
و يا ريت تشيلوا التحشيش (الاخوي و الحقيقي) مع جنب شوي
يا جماعة لازم نكون اوعى شوي ... اول شي مو كل الدول الاوروبية سمحت بالمخدرات، بس هولندا و سويسرا يللي سمحوا فيها
بعدين تعاطي المخدرات شغلة مو هوينة ... معكم انو تعاطي المخدرات بيشبه تعاطي النيكوتين او القهوة او المتة .. الخ ... بس الفرق بيناتهم الاساسي و الجوهري انو السيغارة و المتة و القهوة ما بيأثروا ع وعي الانسان
ممكن يأثروا ع صحتو، ع اعصابو، ع عصبيتو او برودو ... بس ما بيأثروا ع وعيو
يعني انشالله تشرب 20 باكيت دخان كل يوم رح تبقى تشوف اللبن ابيض
بينما صاروخ واحد بيعمللك اللبن قوس قزح
بعدين مين قال انو لازم نتقيد باوروبا بكل شي منعملو ؟؟؟
نحنا عنا خصوصياتنا الشرقية يللي بيحسدونا عليها
هادا عدا عن وعي الغربيين لنوعية التعاطي و عدم وجود اي وعي عنا بهالمسألة
يعني ما فيي ابدا اني شبه حشيشة الكيف بالهيرويين مثلا، الحشيشة ما بتسبب ادمان .. بينما الهيرويين بيكفي ربع غرام منو انو يعملك مدمن
و نهاية الادمان ع المخدرات (ما عدا الحشيشة) معروفة ...
الادمان الو كتير اشكال و الموضوع كتير ممكن يتشعب
يللي بيخليني انزعج فعلا ... انو نحنا اصلا شعب غير مثقف و ما عنا وعي ... منجي منكحل حالنا بالكيف و التهييص فوق كل هالشي ؟؟؟
كتير و كتير امور بدي احكي فيها .. بس خليني اختم حكيي بنقطة اخيرة
ما بتصور انو في طالب واحد بيتعاطى المخدرات و بنفس الوقت متفوق
و في حال وجد
فهي حالة استثنائية جدا و نادرة
|
لالالا انا اصدي الحشيشة مو شي تاني
و مشان الطلاب اكيد انا عم حاكيك