بتسمعي بهدول الي بدهن حقوق المرأة والمساواة وكل واحد حباب غير شكل؟
امبارح تحديدا كنت عم ناقش هيك موضوع فالي صار انو بالأخير لما انسدت الطرق بوجهو بالحديث فتح عينو منيح وقال : اي انا صحيح أفكاري غربية وفري كتير ... بس الي رح ارتبط فيها بدها تقعد بالبيت وتترك كل الباقي أنا رجال شرقي شو صرعتي راسي حقوق وما حقوق؟ انقلعي من خلقتي ...
يعني بين الجد والمزح هاد الكلام الي قالو بحزافيرو
وقلب وجهو فيي كمان!!!!
هلأ الأحلى من هيك بتطلعي بسرفيس الله لاااا يحرمنا منهن بيطلعلك واحد آعد عالكرسي ومرتاح وبيتشبرق بالأعدة ويشد ضهرو ويرمقك بنظرة ياا لطيف وبس تجي مناسبة بيقول: اي يعني بدكن مساواة هاي مساواة انا طلعت قبلك ومارح قوم مشان جنابك تقعدي
يمكن بعد أربعين أو خمسين سنة يصير في مساواة ومشوار الألفايات بيبدا بس نلبس أحذية الرياضة ونقول هلأ هلأ بدنا مساواة مو بكرا
هالشغلات صارت معي بحلب تحديداً سوري من زكر الأماكن