[الليلكية]

لك مرحبا كيفكن شباب صبايا لك شو هالمنتدى بربي نهفه غير شكل

وانا كنت عم اتصفح ودور على اغاني شاميه طلعلي ومن لم سجلت فيه لهلأ الله وكيلكن
ميته من الضحك .. اي شو اخباركن ... وكيف رمضان معكن
ههههه يا عمي يا عمي حلو الواحد يكون على طبيعته
اي يا حلوين انا مو جايه اطلب ترحيب هون ...
بس جايه اتعرف عليكن بقى كل واحد بيمرق من هون بعرفني عن حاله
مو منشان شي لا والله بس منشان نصير اصدقاء بتعرفو يعني لاني جديده
اهلين ابو الشباب اهلا وسهلا بالمدير(ة)

اي فهمتو علي بقا .... ماشي يلا بتركن هلأ لتعرفوني على حالكن ...
اه صحيح شو هالنسوة يا ربي .... نسيت عرفكن على حالي

انا الليلكية من سوريا البلد الحلوة خصوصي من دمشق كياني وروحي
وانا حاليا بدرس هندسه كمبيوتر سنه اولى <<<<< محسوبتكن طالبه جامعيه
اي هي كل شي عني .....
واذا حبيتو تسألوني اي سؤال انا بالخدمه
تشرفنا بمعرفتكن .....اهلين بالناس الطيبه والله
يلا بشوفكن بوقت تاني مع السلامه