مع أنو كتير تشعبتو عن الموضوع
بدي عقب عنقط
الأصلاح بيجي فول باكيج ... يعني أصلاح بكل شي ..يعني بدي أشتغل عالأنسان
أعطيك مثال بعيشو أنا .. أنا مخلوقة لا اتعاطى السياسة خيو .. ما بفهما ولا بتشدني
بس بجي مثلا
الشخص المعاق ( أعاقة عقلية ) عملنا جمعية .. مشي ؟ مشي الأخ المجروح بذكائو بيعاني مشاكل ( مع تخلف + فقر غالبا ً ) مصروف أدويتو كبير . ممكن يتطور كتير لو عنا مدارس إعادة تأهيل ... ممكن يتطور لو عملنالو مشغل يشتغل .. ممكن يتطور لو الدولة بتهتم ... برجع بتقاطع مع الدولة .. يا أخي ما فيني أطلع برات هالدويرة
نقطة تانية .. أنا أدرك اليوم الميزات اللي أخدينا كأقليات .. خيو ما فيني ضحي فيا .. التجارب اللي جنبي من كل طراف عم تخوفني ( عراق أردن لبنان ) وكمان الأغلبية اللي عم بتعامل معا كل يوم بتخوفني
لهيك أنا وبكل جبن وفخر ( حق الحياة مقدس ) يا أخي انا مع بقاء النظام بس مع تسريع وتيرة الأصلاح أو البدء فيا
نقطة تالتة .. كوستا ؟ أنو عم تحكي عن أيا جامعات .. فطستني ضحك ... بدفعتي يمكن بيطلع واحد أو تنين سمعانين بالشيوعية .. نحنا المفروض اللي عم ندرس طب أسنان ...
نص شباب الدفعة بتربي دقن وما بتسلم عليي الصبح ... نص بنات الدفعة ما عندن استعداد يصلحو لمرضى شباب ..
عم تقلي علمانية ؟ نحنا عم نتجه عالعلمانية ؟؟
بدعوك تجي تزورني بحلب ... في كذا شارع علماني حابة اخدك عليون ... نحنا عم نرجع للتشدد ... نغمات موبايلاتنا سامي يوسف ... تكاسيناما عم تسمع ألا عمرو خالد ومدري مين ...