[sona78]

انت عم تحكي هون عن حالة برايي كتير خاصة وهيي الاعدام كحكم قضائي والاستمتاع بمشاهدتو من قبل الناس
بس بستغرب انك مستغرب من هيك حالة ..
بتوقع انو هيك تصرف هوي اقل من عادي .. لا وبدهي جدا
شو ممكن تنتظر من جمهور واسع حياتو كلها قتل وتشويه؟؟؟
افتاح التلفزيون شي يوم كامل بس يوم وتعا حلل معي :
1ـ شي عشرة مسلسلات بوليسية عن جرائم القتل ومعالجتها البهلوانية من قبل الشرطة الذكية
2ـ شي عشرين فلم اكشن ما بيصير فيون البطل بطل الا اذا قتلو شي الف واحد كلون اغبياء ما بيعرفو استحدام السلاح وهوي شي انو ينصاب شي خدج او اصابة يشفى منها بمعجزة
3ـ شي تلاتين فلم رعب مقرفين لدرجة لا تحتمل احيانا عن الوحوش التي تاكل الناس قطعة قطعة
4ـ شي مية خبر بالاخبار عن قتل في عالمنا المجنون يعني احيانا لما بقرا اخبار بيكون نصون عن قتلى نتيجة انفجار او انتحار او اعصار او حوادث بمحتلف اشكالها.
بالاضافة بالتاكيد لشي بليون لعبة كمبيوتر للاطفال والكبار كلها قتل ودم وموت بابشع الطرق .

بعد كل هيدا ومستغرب انو واحد ما شايف كل هالقتل الا ع الشاشة انو يستقتل يشوف اعدام على ارض الواقع؟؟؟
بتوقع انها حالة طبيعية جدا لانو صرنا نتربى انو القتل هوي هدف البطل الذي لا يقهر واللي من شان قال يعني هدف سامي مثلا انقاذ طفل مستعد يقتل شي الف واحد شرير ...
كل يلي بيموتو هني الاشرار والبطل لا يموت..
تربية رائعة عالمية تثبت فعاليتها بكل الدول لدرجة انو حوادث القتل وخاصة بين الاطفال في تصاعد
يعني منيح انو عنا لحد هلق لساتون بالفرجة بس .....
جاية ايام رح يصير التنفيذ ذاتي .. يعني لما بشوف انا حدا برايي مو منيح ما رح يكون في داعي استنى المحكمة
رح طبق فورا لصير متل سلفستر ستالون وانجلينا جولي وهلم جرا ...
اي الله ينجينا من الآت