[sweetbaby]

ياشباب كل مين بدو يقدم ع الجنسية الحمصية لازم يجيب علامة كاملة بالفحص بالاضافة لانو يكون بيوافي هالشروط...

الجنسيةالحمصية هبة من الله سبحانهو الحمد لله على هالنعمة و لازم تكون مقتنع انو حمص مستقلةو لازم يكون كرماوي لإنو الكرامة إنتماء منفصل

حتىتكتسب الجنسية الحمصية يجب أن تتوافر فيك الشروط التالية :
أولا-أن تكون مستعدا لأن تعيد يوم الأربعاء ، يعني تصيف عالأخير، تمشي بعكس السير مثلا ، تلعب بالطابة بالشارع ، تسبح ع الشاطئ ، مع إنو ما في شاطئ عنا بحمص ، بس بدك تدبر راسك ، يعني :
تخرج عن كل الضوابط والأعراف المألوفة ، فكل ما هو مألوف يجب تغييره يوم الأربعاء .

ثانيا-لازمتكون من العالم اللي بحبو أكلة المجدرة . مع البصل طبعا . فإذا ماكنت هيك روح دورعلى غيرنا .

ثالثا-ولازم تكون مطيع كتير لزوجتك ، لأنو الحماصنة مرضيين كتير ،يعني بدك تخفف شوي من رجولتك ..يعني تصير خروء شي 8 ساعات باليوم ومالك كلمةبالبيت

رابعا-بدك تكون ظريف كتير مع الموظفين ، لأنو عنا الموظفين بحمص حساسين كتير و بيزعلو فورا ، يعني بدك تراجعهم بزوق وهدوء بدون ما تجرح مشاعرهم ، ولا تنسى .. المعلوم !! اي اي هه المعلوم لأنو بلاه مافي شي بيمشي

خامسا-لازم يكون عندك فراسة وسرعةبديهة ، وتعرف الشوفير اللي ماشي قدامك لوين رايح وكيف بدو يلف او بدو يضرب فرام ولا لاء !! لأنو عنا بحمص ما حدا بيعطي إشارة وكلو بيطحش على كلو !! وعلى فكرة لازم تزكرو كمان انو يشغلك العداد لأنو وين مارحت رح ياخد منك 25 ليرة لذلك فزكرو منشانيشغل العداد

سادسا-لازم تكون رئتك ملوثة بنسبة 99.999 % لأنو إذا كنت متعودعلى الهواء النظيف والعليل ، ما راح يمشي حالك عنا بتمرض بعدين بأمراض مزمنة . لأنوعنا كل أنواع التلوث .. والحمد لله ، إلا إذا حبيت تسكن غرب حمص ، على ضهر القصيرمثلا أو بالقرب من مرمريتا ، فيمكن يمشي حالك وبيجوز تموت هنيك لأنو الحماصنة بسطلعو من حمص بموتو و طلع السبب انو عم يشمو خارج حمص هوا نضيف .

سابعا-لازمتحكي عالعريض ، أما شو يعني عالعريض ، فلازم تسأل مهران يوسف تبع برنامج سؤال عالماشي ، وإذا حزرت إنت وعشرة كمان فراح يقسم الجائزة بيناتكم ، وغالبا راح يحجبهاعنكم .

ثامنا-ولا ننسى الأركيلة .. لازم يكون عندك نفس ماكن يعني شفيط نمرة واحد

تاسعا-ممكن تحصل على مرتبة الشرف إذا قتلت تنين حموية

عاشرا-أكيدبدك تحفظ شعار الحماصنة .. وهوي :



(الحماصنةالصقور الحرة .. نظرتهم حادة ومرة .. واللي بيحبهم مرة .. بيحبوه ألف مرة ومرة (..



وأخيرا وليس آخرا : إذا وجدت هذهالشروط منطبقة عليك أو بإمكانك الوفاء بها فلحق حالك لأنو كل أربعاءالشروط بتتغير