اقتباس:
كاتب النص الأصلي : lolo510
هي صفة تطلق ع الرجال يللي بلش بخطوة ومانه قادر ينسحب منا رغم انا جابتله وجع راس كتير و خزقتله هالجيبة تبعه
بئى شو رأيك هل انت مع او ضد ولمازا ؟
|
لما سألتك "شو يعني شخص متزوج" كنت عم بحكي جد!
إنو بركي شخص (أو شخصة) انقرط بجوازتو؟ هيك يعني لسبب مااا كان معمي ع قلبو (قلبها) وقت الزواج!
ولك يا ستي ما كانت زواجة عميا القلب بالأول.. كانوا متل السمن ع العسل.. وحب وشغف وشوق ودلال..
وبعدين.. خلص الحب
إنو ما بيخلص الحب بدك تقوليلي؟
ما في شي ما بيخلص إلا الكون
طيب والجماعة ما بدهن يتطلقوا.. يمكن مو ما بدهن.. بس مو قادرين!
إي شو يعني؟
هاي الشغلة هني بيقرروها.. مو نحنا..
يعني.. يـُبنى على الشيء مقتضاه..
يعني.. لكل حادس حديس
يعني.. وقت الواحد يعيش هيك ظرف.. يبقى يحكي.. إنو أنا بقبل أو ما بقبل
قبل هيك.. هيدا كلو تفنيص "لا يـُـعوّل عليه" (ع قولة سيدنا ابن عربي)
مع احترامي
ربما كان عدم الاتفاق أقصر مسافة بين فكرين. (جبران النبي)